Dla mnohich z nas, studentaŭ, Taćciana Ivanaŭna była strohaj vykładčycaj, vielmi šmat litaratury davała i pierad jaje parami troški chvalavańniaŭ, kaniešnie, byvała. Ale praz hady paśla jaje par ja razumieju, što, napeŭna, u hetym i jość prafiesijanalizm, takim i pavinien być sapraŭdny vykładčyk - kab student z adnaho boku nie mocna niervavaŭ, ale ź inšaha - i nie byŭ rassłablennym, nie prychodziŭ na pary niepadrychtavanym. Jana była zakachanaja ŭ litaraturu - i było bačna, što hatovaja abmiarkoŭvać "antyčku" hadzinami. I heta była ščyraja luboŭ. A jak čałaviek, Taćciana Ivanaŭna, była prosta najvydatniejšym, vielmi prystojnym i dobrym. Tak škada, što jana tak rana syjšła...
Ad udziačnaha studenta
23.10.2026
Spačuvaju. Dziakuj za vašuju sumlennaść, Taćciana Ivanaŭna
Byłaja studentka
23.10.2026
Ech, Taćciana Ivanaŭna… Vielmi škada! Ja pamiataju, jak my ź joj chadzili ŭ teatr - na “Zabyć Hierastrata” pa-biełarusku. U teatr lalek taksama chadzili. Cikava, jana ŭsim kursam kazała, što z kožnym hodam studenty ŭsio mienš viedajuć? U 18 hod radavałasia, kali skončyłasia zamiežnaja litaratura ŭ jaje. A ciapier uspaminaju ź ciapłom. I navat chaču pieračytać “Ilijadu”. A niadaŭna ŭ padarožžy chadziła pa afinskim Akropali i ŭspaminała lekcyi Taćciany Ivanaŭny.
byłaja studentka kuratarskaj hrupy
23.10.2026
Taktoŭnaja, dalikatnaja, zakachanaja ŭ litaraturu i, hałoŭnaje, zaŭsiody pavažlivaja da svaich studentaŭ. Da kožnaha źviartałasia pa imieni i imieni pa baćku (što dla žurfaka vialikaja redkaść), za kožnaha pieražyvała i kožnaha pamiatała. Dziakuj vam za ŭsio, Taćciana Ivanaŭna.
Vielmi škada
23.10.2026
Śvietłaja pamiać, cudoŭnaja vykładčyca
Paliašuk
24.10.2026
Dziakuj za "PV", vypisvaŭ u junactvie. "Chočieš bolšoho i čistoho? Pomoj słona!" (s) Pryjemna, što tyja, chto z nami ŭ junyja hady razmaŭlaŭ pra naša składanaje i cikavaje žyćcio na moładzievaj movie, akazalisia z nami na adnym baku suprać režymnaj ciemry, jakaja hubić i junactva, i svabodu, i presu. Spačyvajcie ź miram, pani Taćciana.
Pamierła Taćciana Pranovič — vykładčyca žurfaka BDU i dačka Ivana Čyhrynava
U 18 hod radavałasia, kali skončyłasia zamiežnaja litaratura ŭ jaje. A ciapier uspaminaju ź ciapłom. I navat chaču pieračytać “Ilijadu”. A niadaŭna ŭ padarožžy chadziła pa afinskim Akropali i ŭspaminała lekcyi Taćciany Ivanaŭny.
Da kožnaha źviartałasia pa imieni i imieni pa baćku (što dla žurfaka vialikaja redkaść), za kožnaha pieražyvała i kožnaha pamiatała. Dziakuj vam za ŭsio, Taćciana Ivanaŭna.