Čatyrochzorkavy hatel źjavicca pa susiedstvie z Łošyckim parkam. Jaho asnovaj stanuć staradaŭnija budynka byłoha pivavarnaha zavoda «Brovar», što mieściacca pobač z Łošyckim siadzibna-parkavym kompleksam.
U kancy 80-ch hadoŭ minułaha stahodździa Łošycki kompleks uziaty pad achovu dziaržavy i abjaŭleny pomnikam historyi, kultury i architektury. Raspracavany prajekt jaho rekanstrukcyi, u ramkach jakoha płanujecca i adnaŭleńnie budynkaŭ «Brovar», praŭda, z novymi funkcyjami.
Budavać hatel na bazie byłoha brovaru padachvociŭsia biźnies-centr "Stalica".
U haścinicy budzie ŭvieś nieabchodny nabor pamiaškańniaŭ: pakoi pieramoŭ, SPA i fitnes-centr z basiejnam, sałon pryhažości, bankietnaja zała.
Na pieršym paviersie byłoha «Brovaru» taksama prapanujecca raźmiaścić pivavarny cech ź piŭnym restaranam.Mienavita ŭ staradaŭnim budynku buduć samyja lepšyja numary hatela - dvuch-i trochpakajovyja apartamienty. A ŭsiaho ŭ kompleksie praduhledžany 150 numaroŭ roznaj katehoryi. Z boku prajezdu Čyžeŭskich namiečana adkryć suvenirnyja kramy z asobnym uvachodam dla naviedvalnikaŭ Łošyckaha siadzibna-parkavaha kompleksu.
Pieršy etap prajektavańnia zavieršany, zaraz pačałasia raspracoŭka architekturnaha prajekta. Budaŭnictva płanujecca pačać u 2011 hodzie.