Biełaruś u Mytnym sajuzie pakul ničoha asabliva nie nabyvaje, ale i nie stračvaje.
Biełaruś u Mytnym sajuzie pakul ničoha asabliva nie nabyvaje, ale i nie stračvaje. Ab hetym zajaviŭ siońnia prezident Biełarusi, adkazvajučy na pytańni žurnalistaŭ.
Alaksandr Łukašenka raskazaŭ žurnalistam, što na adnym z zakrytych pasiadžeńniaŭ jon spytaŭ u Dźmitryja Miadźviedzieva: «Vy što, chočacie stvaryć MS, kab pužnuć Zachad — kali vy nas u SHA nie bieracie, to my svaju SHA tut stvorym? Kali tak, to vy nam skažycie, moža my vas u hetym i padtrymajem». Adkaz rasijskaha prezidenta byŭ taki: «A što tut drennaha, moža i tak».
«Ja ŭsio bolš pierakonvajusia, što Rasija buduje svaju palityku, kab zapužać nie tolki bližejšych svaich partnioraŭ, ale i dalokich. Maŭlaŭ, my vam tut pakažam. Vy viedajecie, śviet źmianiŭsia — siońnia nichto nikomu nie «pakaža», — skazaŭ biełaruski lider.
Na dumku Alaksandra Łukašenki, Mytny sajuz dla Rasii, vidać, svojeasablivaja vialikaja hulnia.«Rasija ŭ hetym Mytnym sajuzie pakul tolki nabyvaje. My ničoha nie nabyvajem, ale i nie stračvajem, taksama jak i Kazachstan. Voś na hetym etapie my jašče ničoha nie stračvajem. A ŭžo dalej pojduć pierahavory pa roŭnym dostupie da trubapravodnaha transpartu. Heta značyć užo Kazachstan pavinien atrymać prava transpartavać pa rasijskich šlachach svaje tavary ŭ Biełaruś i naadvarot. Voś tady i pahladzim, ci zhodzicca Rasija ŭpuścić kazachstanskuju naftu i pryrodny haz u svaje truby, kab była kankurencyja na rynku. Voś tady i ŭbačym, patrebny joj sapraŭdy Mytny sajuz ci nie. Čas pakaža, chto čaho varty ŭ hetym žyćci», — reziumavaŭ prezident.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary