Na94-m hodzie žyćcia ŭ sieradu pamior były hienieralny sakratar kampartyi Čyli Łuis Karvałan.
Łuis Karvałan naradziŭsia 14 vieraśnia 1916 h. u Puerta Moncie ŭ siamji nastaŭnika i sialanki.
U 1931 h. pastupiŭ u piedahahičnuju vučelniu, a ŭžo praz hod ustupiŭ u Kamunistyčnuju partyju. Siabroŭstva ŭ partyi adbiłasia na piedahahičnaj karjery. Pa skančeńni vučelni nastaŭničaŭ krychu bolš za hod, i byŭ zvolleny za palityku.
Łuis Karvałan zaniaŭsia žurnalistykaj. Ad 1946 h. staŭ hałoŭnym redaktaram centralnaha drukavanaha orhana partyi — haziety «Sihła». U 1950 h. Karvałana aryštavali, adpravili ŭ vysyłku, potym kinuli ŭ kancłahier. Tym časam partyjnaja karjera išła ŭ rost. Z 1958 h. Karvałan užo hienieralny sakratar KPČ.
Paśla pieravarotu hienierała Pinačeta ŭ vieraśni 1973 h. jon byŭ aryštavany razam ź inšymi praciŭnikami režymu i kinuty ŭ kancłahier. Chunta pakarała śmiercb jaho 18 tavaryšaŭ
U 1976 h. na prapanovu Andreja Sacharava Karvałana abmianiali na savieckaha dysidenta Uładzimira Bukoŭskaha. Pieramovy viali Kisindžer i tahačasny šef KDB Andropaŭ.Paśla zabojstva paeta Viktara Chary staŭ samym viadomym čylijskim palitviaźniem.
Tady ž naradziŭsia taki vieršyk.
Obmieniali chulihana
Na Łuisa Korvałana.
Karvałan nie pabajaŭsia, a viarnuŭsia ŭ Čyli nielehalna ŭ 1983 h., źmianiŭšy z dapamohaj płastyčnaj apieracyi źniešnaść.
Ad 1989 h. žyŭ u Sanćjaha ŭžo aficyjna.
Da kanca žyćcia zastavaŭsia viernym kamunistyčnym, ci chutčej, levym pohladam. U 1995 h. Karvałan napisaŭ knihu "Krušeńnie savieckaj sistemy",
u jakoj dakazvaŭ, što stalinizm jość najvialikšym trahiedyjaj dla levaha ruchu.