Kiraŭnik dziaržavy Alaksandr Łukašenka daručyŭ ministru adukacyi Alaksandru Radźkovu pačać praceduru dałučeńnia Respubliki Biełaruś da Bałonskaha pracesu.
Jak viadoma, asnoŭnaj metaj Bałonskaha pracesu źjaŭlajecca stvareńnie Jeŭrapiejskaj prastory vyšejšaj adukacyi i jaje dalejšaje ŭdaskanaleńnie. Heta daść mahčymaść pavysić pryvabnaść i kankurentazdolnaść jeŭrapiejskaj adukacyi ŭ sučasnym śviecie.
Ustupleńnie Biełarusi ŭ Bałonski praces budzie sadziejničać zbližeńniu adukacyjnych standartaŭ nacyjanalnaj i jeŭrapiejskaj sistem vyšejšaj adukacyi; uzmacnieńniu intehracyi śfier navuki, adukacyi i vysokatechnałahičnaj vytvorčaści; dostupu ŭ jeŭrapiejskuju sietku zabieśpiačeńnia jakaści adukacyi i praviadzieńniu mižnarodnaj akredytacyi biełaruskich univiersitetaŭ, udziełu nacyjanalnaj vyšejšaj škoły ŭ akredytacyi sistem adukacyi inšych dziaržaŭ; ukaranieńniu nacyjanalnych miechanizmaŭ acenki, harantyj i paćviardžeńnia jakaści adukacyi, sumiaščalnych z ahulnajeŭrapiejskimi; zabieśpiačeńniu sumiaščalnaści na jeŭrapiejskim uzroŭni roznych adukacyjnych instytutaŭ, prahram i navukovych viedaŭ; pašyreńniu dostupu da jeŭrapiejskich prahram akademičnaha i navukovaha supracoŭnictva, a taksama pavyšeńniu pryvabnaści nacyjanalnaj sistemy vyšejšaj adukacyi dla zamiežnych abituryjentaŭ.
