Aŭhustoŭski kanał pakul nie trapić u śpis suśvietnaj spadčyny
Zajaŭka na vyklučeńnie Aŭhustoŭskaha kanała z pretendentaŭ u śpis suśvietnaj spadčyny JUNIESKA była pryniata sumiesna polskim i biełaruskim bakami paśla kansultacyj z admysłoŭcami.
Pra heta paviedamiŭ dyrektar adździaleńnia Ministerstva kultury pa achovie i restaŭracyi
— Heta sumiesnaje rašeńnie polskaha i biełaruskaha bakoŭ pa adklikańni hetaj prapanovy dla jaje dapracoŭki. Ekśpiert, jaki byŭ u vieraśni minułaha hoda, zrabiŭ niekatoryja zaŭvahi. I choć zaŭvahi nie vielmi istotnyja, ale jość takaja praktyka: lepš źniać prapanovu i dapracavać, čym čakać rašeńnia, jakoje moža być paviernuta ŭ luby bok. Potym źmianić admoŭnaje rašeńnie kamiteta suśvietnaj spadčyny vielmi składana.
Ministerstva kultury Polščy i Biełarusi dali ŭžo rekamiendacyi svaim pradstaŭnictvam u JUNIESKA, i heta pradstaŭnictvy ŭ Paryžy pryniali rašeńnie ab dapracoŭcy prapanovy pa ŭklučeńni Aŭhustoŭskaha kanała ŭ śpis suśvietnaj spadčyny JUNIESKA.
Dakumientacyja pa Aŭhustoŭskim kanale (pomniku kultury 19 stahodździa) dla ŭniasieńnia ŭ śpis suśvietnaj spadčyny była padrychtavana 2,5 hady tamu, i padpisanaja ministrami kultury Biełarusi i Polščy. Zajava była padrychtavana supolna, pakolki 80 km kanała znachodzicca na polskim baku, a 20 km — na biełaruskim.
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary