«Naša Niva» atrymała adrazu dva papiaredžańni ad Ministerstva infarmacyi
U zahałoŭkach abodvuch artykułaŭ, dzie byli znojdzienyja «parušeńni», fihuruje «Chrosny baćka».
Na praciahu adnaho tydnia hazieta «Naša Niva» atrymała dva papiaredžańni ad Ministerstva infarmacyi. U zahałoŭkach artykułaŭ, u jakich byli znojdzienyja «parušeńni», fihuruje «Chrosny baćka». Abodva papiaredžańni niepasredna tyčacca numaru «NN», jaki čytačy pa ŭsioj krainie nie znajšli ŭ kijoskach «Biełsajuzdruku».
U papiaredžańni, datavanym 22 lipienia, Mininfarmacyi vinavacić hazietu ŭ raspaŭsiudzie źviestak, jakija nie adpaviadajuć rečaisnaści. Padstavaj dla abvinavačańnia staŭ zahałovak «Chrosny baćka skanfiskavaŭ» («NN» № 26). «Pavodle artykuła 244 Hramadzianskaha kodeksa RB kanfiskacyjaj źjaŭlajecca biezvypłatnaje vymańnie majomaści va ŭłaśnika ŭ vyhladzie sankcyi za ździejśnienaje złačynstva ci inšaje pravaparušeńnie», — adznačaje Mininfarmacyi. Dalej pradstaŭniki ministerstva spasyłajucca na infarmacyju RUP «Biełsajuzdruk» ab tym, što nakład «NN» № 25 ad 7 lipienia 2010 h. «byŭ nakiravany dla realizacyi ŭ handlovyja abjekty pradpryjemstva». Adpaviedna, ličyć Mininfarmacyi, «kanfiskacyja vydańnia nie ažyćciaŭlałasia».
Infarmacyja, źmieščanaja ŭ artykule «Chrosny baćka skanfiskavaŭ», jak adznačajecca ŭ liście za podpisam ministra Aleha Pralaskoŭskaha, «moža nanieści škodu ŭ tym liku i dziaržaŭnym intaresam, pakolki skažaje praktyku ŭzajemadziejańnia dziaržavy z srodkami masavaj infarmacyi».
Druhoje papiaredžańnie, datavanaje 26 lipienia, tyčycca artykuła «BRSM rekłamuje film «Chrosny baćka», źmieščanaha ŭ «NN» № 25. «Zhodna infarmacyi hramadskaha abjadnańnia „Biełaruski respublikanski sajuz moładzi“ aktyvistami zhadanaha abjadnańnia 6 lipienia ŭ h. Minsku była zładžanaja akcyja, źmiestam jakoj nie źjaŭlałasia rekłama zhadanaha filma», — adznačajecca ŭ liście. Adpaviedna, ličać u Mininfarmacyi, «apublikavanaja infarmacyja nie adpaviadaje rečaisnaści i hańbić reputacyju dadzienaj jurydyčnaj asoby».
Papiaredni raz «Naša Niva» atrymlivała papiaredžańnie ŭ listapadzie 2009 hoda. Tady hazietu źvinavacili ŭ publikacyi niepravieranych źviestak pra epidemiju hrypu.
 |
 |
 |
 |
«Ja musiła hladzieć miesca dla ludziej, jakija pierachodziać miažu. Što moža pajści nie tak?» Dramatyčnaja historyja aryštu Alesi Bunievič1
«Ja musiła hladzieć miesca dla ludziej, jakija pierachodziać miažu. Što moža pajści nie tak?» Dramatyčnaja historyja aryštu Alesi Bunievič
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka58
Kamientary