Partał biełaruskamoŭnaj muzyki «Tuzin Hitoŭ» razam sa svaimi słuchačami pačynaje vybirać najlepšuju pieśniu 2010 h. Ekśpiertnaja rada, što sioleta składałasia z telepradusaraŭ, užo ŭfarmavali šort-list. Śpis dosyć doŭhi, bo źmiaščaje ažno 48 pieśni.
Ciapier, paśla ekśpiertaŭ, za spravu vozmucca słuchačy: z 2-ha žniŭnia šlacham hałasavańnia na sajcie «Tuzina» jany buduć adkidvać pa adnoj ci pa try pieśni. Dvanaccatka najlepšych piesień składzie vynikovy «załaty» tuzin hodu. Kali zastajecca 12 piesień — hałasy abnulaccca i hałasavańnie praciahniecca da 26 žniŭnia, ažno pakul u čarcie nie zastaniecca adna-adzina — Pieśnia Hodu na «Tuzinie».
Chto siarod pretendentaŭ na najlepšuju pieśniu? Niaŭdačniki «Jeŭrabačańnia» hurt «3+2» ź pieśniaj «Anioły», N.R.M. z našumiełaj «Palitykaj-paralitykaj», Jury Dziemidovič, jaki cioleta pierapiajaŭ pa-biełarusku svoj (a)kultavy chit «Čaroŭny trusik», a taksama duet Volskaha z Pamidoravym, jaki vykanaŭ rep na słovy Bahuševiča «Niemiec». Poŭny śpis hladzicie nižej.
«U nas pa-raniejšamu mała biełaruskamoŭnaj pop-muzyki, a jakasnaj pop-muzyki — pahatoŭ, — kaža adzin zasnavalnikaŭ partała «Tuzin Hitoŭ« Siarhiej Budkin. — Pop-vykanaŭcy ž płyvuć pa vadzie i nie schilnyja da ekśpierymientaŭ, tamu kali my chočam atrymać vynik — jakasnuju biełaruskamoŭnuju pop-muzyku, - treba z tymi muzykami pracavać i ŭsialak zaachvočvać śpiavać pa-biełarusku».
Takim čynam, jakaja biełaruskamoŭnaja pieśnia stanie najlepšaj sioleta budzie zaležyć tolki ad
paspalitaha słuchača. Zachodzim na «Tuzin Hitoŭ» i hałasujem za svaich.
Poŭny śpis piesień-pretendentaŭ:
1. 3+2 — Anioły
2. Akana feat. Apple Tea — Žyto połovie
3. Akute — Adzinoctva
4. Amaroka — Trabły
5. Atlantica — U viecie nie adny
6. Avhust — Pačakaj
7. Badluck — Navała
8. Ban-Žvirba — Kałychanka
9. Band_A — Pazytyvy
10. B:N: feat. Vinsent — Razvaha
11. Bracina — Čarnobylski šlach
12. Da Vinci — Kachańnie nie ŭźnikła
13. Dakota — Zapałki
14. Dziecidziaciej — Raptam
15. Dziemidovič Jury — Čaroŭny trusik
16. esprit — Da sinich skałaŭ
17. Hair Peace Salon — Ciańki
18. HandmadE — Postmadernizm
19. Hluki feat. MAUZER i Green Che — Kraina 2.0
20. IQ48 i Džambibum — Dzieŭki kalinu łamali
21. IQ48 — Prosty chłopiec
22. Jenowa — Žyvyja
23. J:mors — Majo sonca (kancert u teatry)
24. MAUZER — Ja lublu bol
25. Naka — Biažy
26. Neuro Dubel — Kasmanaŭty
27. Nieściarenka i White Night Blues — Maja adzinota
28. Niestandartny varyjant — U nieba
29. N.R.M. — Palityka-paralityka
30. Paŭłaŭ Pit — Srodak i meta
31. Pukst Siarhiej — Tryjumf voli
32. Rahis — Čaroŭnyja noty
33. Rokaš — Dzieci paŭnočnaha vietru
34. Sciana — Kim ja byŭ
35. Sieriebrianaja svad́ba — Novy most
36. Sprat — Kazačnyja sny
37. Stoks — Pad kupałam niabios
38. Tanin Jazz — My Babe
39. Testamentum Terrae — Pa sadu, sadu
40. U nieskładovaje — Nia kožny
41. UltraVožyk — Klova kasmanaŭtu
42. Vicious Crusade — Apošni śpieŭ
43. Voka — Biełaja žančyna ź dziciom
44. Volski Lavon — Daj mnie znak
45. Volski i Pamidoraŭ — Niemiec
46. WZ-Orkiestra i Halina Kazimiroŭskaja — Zorapad
47. ZM99 — Nieba
48. Zombie Zoo — Ničoha navokał
