Na adkrytym Kubku SND pa viertalotnym sporcie, jaki prachodziŭ na aeradromie Baravaja pad Mienskam, raźbiŭsia niamiecki ekipaž. Heta adbyłosia 8 žniŭnia padčas pakazalnych vystupleńniaŭ pry vykanańni fihury vyšejšaha piłatažu «miortvaja piatla».Hielikopter upaŭ i zhareŭ. Ekipaž zahinuŭ.
74-hadovy Hiunter Cymier byŭ pryznanym asam u małoj avijacyi i adnym ź niamnohich piłotaŭ u śviecie, što vykonvali na šrubalocie fihuru vyšejšaha piłatažu «miortvaja piatla».
Zdareńnie adbyłosia na vačach u žonki piłota, jakaja, pavodle infarmacyi žurnalistaŭ, prysutničała na čempijanacie. Jahonaja žonka Iryna taksama zajmajecca viertalotnym sportam. Darečy, jana biełaruska, pachodzić ź Viciebska.Paznajomiłasia z Cymieram na spabornictvach u Maskvie, vyjšła zamuž i ŭžo bolš za vosiem hadoŭ žyvie ŭ Hiermanii.
«Rabić piatlu nieskładana, raz navat ja zmoh heta zrabić, ale vielmi šmat što zaležyć i ad viertalota», — skazaŭ niamiecki piłot Hiunter Cymier u intervju biełaruskim telekanałam za niekalki hadzin da svajoj hibieli.
Ekśpierty nie vyklučajuć i pamyłki piłota: usio ž 74-hadovyja lotčyki sustrakajucca niačasta.
0
0
0
0
0
0