U Kiernavie pad Vilniaj zakončyła svaju pracu Mižnarodnaja letniaja škoła EHU «Biełaruś u jeŭrapiejskim kantekście: aktualnyja dyskusii pra nacyjabudaŭnictva».
Ekśpierty Volha Šparaha i Valancin Akudovič.
Na praciahu tydnia, ad 2 da 8 žniŭnia, abmiarkoŭvalisia prablemy hieniezisu, losu, šlachoŭ i formaŭ nacyjabudaŭnicva ŭ Biełarusi. Daśledčyki ź Minsku, Vilni, Hrodna, Bremiena, Varšavy, Ryhi, Harvarda, Samary i Prahi sprabavali asensavać biełaruskuju nacyjanalna-kulturnuju śpiecyfiku ŭ šyrokim jeŭrapiejskim kantekście.
Ekśpiertami pa prablemie vystupali takija viadomyja biełaruskija navukoŭcy, jak Piotra Rudkoŭski i Valer Bułhakaŭ, Aleh Łatyšonak i Zachar Šybieka, Jaŭhien Miranovič i Aleś Smalančuk, Ihar Babkoŭ i Valancin Akudovič, Taćciana Ščytcova i Volha Šparaha, Siarhiej Tokć. U dyskusijach aktyŭny ŭdzieł taksama brali Alvidas Nižantajcis (Vilnia) i Alena Tempier (Lejpcyh).
U centry abmierkavańniaŭ apynulisia prablemy roli haradskoha i viaskovaha asiarodkaŭ u nacyjabudaŭnictvie, miesca historyi i pamiaci ŭ farmavańni identyčnaści, suadnosiny etnakulturnaha i hramadzianskaha nacyjanalizmaŭ, rola demakratyzacyi i jeŭrapieizacyi…
Praduktyŭnaści dyskusij mocna spryjaŭ dyjałoh pamiž historykami i fiłosafami.
Budziem spadziavacca, što hetaja Škoła stanie tradycyjnaj. Prynamsi EHU maje dla hetaha ŭsie mahčymaści...
