U mužčyny, što nadzieŭ na pieršaje spatkańniešto-niebudź čyrvonaje, značna bolš šancaŭ na pośpiech. Akazvajecca, mužčyny ŭ čyrvonym usprymajucca žančynami jak bolš pryvabnyja.
Da takoj vysnovy pryjšła mižnarodnaja kamanda navukoŭcaŭ, jakaja pravodziła psichałahičnyja testy. «Žančyny nadzialajuć mužčyn u čyrvonym bolš vysokim statusam, jany vyklikajuć bolšy davier, bo zdajecca, što hetyja mužčyny paśpiachovyja i prystojna zarablajuć», — kamientuje kiraŭnik prajektu Endru Elijot z univiersiteta Ročestera (ZŠA).
Padčas ekśpierymientu pradstaŭnicam pryhožaha połu demanstravali šmat fota simpatyčnych mužčyn i prasili acanić mužčynskuju pryvabnaść. Pieršyja pazicyi zaniali mužčyny, adzietyja ŭ čyrvonyja futbołki, abo mužčyny, čyje fota byli ŭstaŭlenyja ŭ ramku čyrvonaha koleru.
Daśledčyki miarkujuć, što hetuju źjavu moža rastłumačyć bijałahičnymi pryčynami. U žyviolnym carstvie ŭ samcoŭ mnohich vidaŭ na hrudziach jość zaŭvažnyja čyrvonyja plamy. Čym intensiŭniejšaja ich afarboŭka, tym bolšy pośpiech jany majuć u samak.
Punsovy — koler kryvi. Pyłkaść vyklikaje pryliŭ kryvi da skury.
Možna pryhadać i staradaŭni Rym. Tam bajcoŭ u elitnyja častki adbirali, pałochajučy chłopca źvieram ci vyprabavańniem. Ličyłasia, što najlepšyja bajcy vychodziać z tych, chto ad stresu čyrvanieje, a nie bialeje.
