U Maskvie byłyja milicyjanty sutki hvałtavali biełarusku 6

U Maskvie zatrymanyja troje padazravanych u vykradańni i zhvałtavańni hramadzianki Biełarusi, paviedamlaje RIA Naviny sa spasyłkaj na krynicu ŭ pravaachoŭnych orhanach rasijskaj stalicy.

Fota padazravanych.

Fota padazravanych.

Pavodle infarmacyi krynicy, 31 žniŭnia na Vałhahradskim praśpiekcie kala doma № 46 hetyja ludzi, pahražajučy fizičnaj raspravaj, vykrali 30-hadovuju niepracujučuju hramadzianku Biełarusi, advieźli ŭ kvateru adnaho z zatrymanych, dzie na praciahu sutak hvałtavali. Žančyna zdoleła vyzvalicca i źviarnułasia ŭ milicyju. U Maskvie na vulicy Hrajvaronaŭskaj byli zatrymanyja dvoje biespracoŭnych maskvičoŭ, jakija padazrajucca ŭ zhvałtavańni žančyny.

«Jana zajaviła, što da jaje vykradańnia i zhvałtavańnia datyčnyja piać čałaviek, siarod jakich mohuć być supracoŭniki milicyi», — skazaŭ surazmoŭca ahienctva, padkreśliŭšy, što hetaja infarmacyja ciapier staranna praviarajecca.

Pa dadzienych Life News, prybyłyja ŭ kvateru apieratyŭniki znajšli tam čatyroch čałaviek. Pa słovach paciarpiełaj, ź jaje ździekavalisia 5 čałaviek. Vyśvietlena, što adzin sa złamyśnikaŭ schavaŭsia da pryjezdu apieratyŭnikaŭ. Troje z zatrymanych — byłyja milicyjanty, jakija za try dni da zatrymańnia byli zvolnienyja z UUS na Maskoŭskim mietrapalitenie. Raspačataja kryminalnaja sprava.

Načalnik UIHS HUUS pa Maskvie pałkoŭnik milicyi Viktar Birukoŭ paćvierdziŭ fakt zatrymańnia dvuch supracoŭnikaŭ 1-ha adździeła ŭpraŭleńnia milicyi na Maskoŭskim mietrapalitenie za ździajśnieńnie zhvałtavańnia.

«Načalnik HUUS pa Maskvie hienierał-lejtenant milicyi Uładzimir Kałakolcaŭ u suviazi z tym, što adbyłosia pryniaŭ rašeńnie vyzvalić ad pasady z nastupnym zvalnieńniem z AUS namieśnika načalnika UM pa kadravaj i vychavaŭčaj pracy pałkoŭnika milicyi Cialicu Alaksandra. Taksama jon daŭ daručeńnie adpaviednym słužbam, u tym liku USB, pravieści pravierku ŭ šerahu padraździaleńniaŭ upraŭleńnia milicyi na Maskoŭskim mietrapalitenie pa arhanizacyi raboty z asabistym składam», — zajaviŭ Viktar Birukoŭ.

0

0

0

0

0

0

naviny.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH