Na dnie Bałtyjskaha mora znajšli 200-hadovaje piva

Na dnie Bałtyjskaha mora byli znojdzienyja butelki ź pivam, jakim pryblizna 200 hadoŭ, paviedamlaje AFP. Butelki z napojem u rajonie Ałandskich astravoŭ znajšli finskija dajviery. Piva znachodziłasia na borcie karabla, jaki patanuŭ u Bałtycy ŭ pačatku 1800-ch hadoŭ.

Ekśpierty adznačyli, što piva zachavała svoj naturalny koler i kansistencyju.

Dobruju zachavanaść napoju zabiaśpiečyli chałodnaja vada i słaboje aśviatleńnie na dnie mora.

Pa papiarednich acenkach, znojdzienyja ŭ mory ŭzory piva možna ličyć najstarejšymi ŭ śviecie. Pryblizny košt adnoj 200-hadovaj butelki śpiecyjalisty pakul vyznačyć nie mohuć.

Varta adznačyć, što niadaŭna, u lipieni, na dnie Bałtyjskaha mora dajviery znajšli inšy napoj dvuchsothadovaj vytrymki — šampanskaje. Usiaho sa dna było padniata 30 butelek, kožnaja ź jakich aceńvajecca ŭ niekalki dziasiatkaŭ tysiač jeŭra.

0

0

0

0

0

0

TUT.BY

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH