100 tysiač podpisaŭ zmoža sabrać adzin ci ŭ lepšym vypadku dva supierniki Łukašenki. I toj adzin zajaviŭ pra ŭdzieł u vybarach z Maskvy.
Lider hramadzianskaj kampanii «Havary praŭdu» Uładzimir Niaklajeŭ zajaviŭ pra svoj namier udzielničać u prezidenckich vybarach. Hetuju zajavu jon zrabiŭ u Maskvie, u efiry radyjostancyi «Echo Moskvy».
«Tak što kali vybary buduć abvieščanyja siońnia, my hatovyja da taho, kab hetyja 100 tysiač podpisaŭ sabrać. My źbiarom bolš. Miljon my źbirać, kaniečnie, nia budziem, heta nasamreč niepatrebna. Ale nieabchodny zapas, kab vyklučyć usialakija vypadkovaści my zrobim», — kaža Niaklajeŭ.
Sapraŭdy, na siońniašni dzień vyhladaje na toje, što va Uładzimira Niaklajeva jakraz i jość samyja vialikija šancy sabrać nieabchodnuju kolkaść podpisaŭ dla rehistracyi.
Udzielnik prezidenckich vybaraŭ 2006 hodu Alaksandr Milinkievič, chutčej za ŭsio, u vybarach udzielničać nie budzie. Adpaviednaja zajava palityka čakajecca ciaham bližejšych tydniaŭ.
Vyhladaje na toje, što častku ludskoha aktyvu Milinkieviča pieraciahnie da siabie małady Aleś Michalevič. Jon maje ćviordy namier pačynać zbor podpisaŭ, ale ci naźbiraje, heta ŭžo inšaje pytańnie.
Mahčyma, ryzyknuć akunucca ŭ prezidenckuju kampanii i ŭ Partyi BNF. Nie fakt, što kamanda Ryhora Kastusiova zmoža sabrać nieabchodnuju kolkaść podpisaŭ, ale dobra pašumieć moža.
Što datyčyć kandydata ad AHP Jarasłava Ramančuka, to najbolš imaviernym vyhladaje varyjant źniaćcia jahonaj kandydatury na karyść Uładzimira Niaklajeva. Nie viadoma tolki, kali heta adbudziecca: jašče da pačatku zboru podpisaŭ, ci ŭžo paśla.Šarahovyja aktyvisty AHP skłałai bazu dla «Havary praŭdu».
Jašče nie jasnaja da kanca pierśpiektyva kandydata ad BCHD Vitala Rymašeŭskaha. Na schodzie aktyvu lidery chadekaŭ namiakali, što nie majuć dastatkovaj kolkaści dla paŭnavartasnaj kampanii. Napeŭna, kančatkovaje rašeńnie budzie pryniataje na źjeździe partyi. Ci advažacca chryścijanskija demakraty ŭciahnucca ŭ kampaniju? Vyłučyć kandydata i nie sabrać podpisaŭ — dyskredytacyja dla palityčnaj siły.
Što datyčyć Andreja Sańnikava, to tut jasnaści jašče mieniej. Chodziać čutki, što bližejšym časam jon śledam za Milinkievičam taksama admovicca ad udziełu. Niahledziačy na ŭłasnuju aktyŭnaść u miedyjach i jasnuju, čytelnuju prahramu Sańnikaŭ, padobna, tak i nie zmoh zaručycca značnaj čałaviečaj i finansavaj padtrymkaju.
Hienierał Valery Frałoŭ u apošnich intervju taksama namiakaŭ na sychod z dystancyi.
Takim čynam, vyhladaje na toje, što nieabchodnyja 100 tysiač podpisaŭ zmoža naźbirać tolki adzin, pry ŭdałym źbiehu abstavinaŭ dva, kandydaty. Jašče niekalki budzie źbirać podpisy. A značnaja častka dyskvalifikuje siabie jašče da pačatku.
Naŭrad ci Łukašenka advažycca pryznačać ich na studzień ci luty, kali ŭ krainie mahčymyja novyja paliŭnyja vojny z Rasijaj.Najchutčej, što 7 vieraśnia na pazačarhovym pasiadžeńni parłamientu i stanie viadoma data prezidenckich vybaraŭ. Imi mohuć stać 12 i 19 śniežnia.
