Śmierć Aleha Biabienina vyklikaje ŭsio bolš pytańniaŭ.
Siońnia ŭ Miensku projdzie hramadzianskaja panichida pa žurnaliście Alehu Biabieninu, zasnavalniku apazicyjnaha sajta charter97.org, jaki byŭ znojdzieny miortvym u svaim zaharadnym domie. Jaho hibiel — pry vielmi dziŭnych abstavinach — vyklikała masu pytańniaŭ. U viersiju śledstva — samahubstva — kalehi Aleha nie vierać.
Žurnalista vyciahnuli ź piatli ŭviečary 3 vieraśnia — u jaho dačnym domie pad Mienskam. Pobač lažaŭ pierakuleny zedlik. U toj čas Aleh Biabienin byŭ užo miortvy. Napiaredadni jon pierastaŭ adkazvać na zvanki i žonka surjozna zaniepakoiłasia.
Jak paviedamili ŭ abłasnoj milicyi, na ciele zahinułaha «nie było znojdziena śladoŭ baraćby», a susiedzi pa leciščy nie bačyli ŭ toj dzień nieznajomych. Tamu apieratyŭniki paśpiašalisia ahučyć «asnoŭnuju viersiju» — samahubstva. Pryčym jašče da taho, jak źjavilisia pieršyja vysnovy sudmiedekśpiertaŭ. Paźniej da rasśledavańnia padklučyłasia Hienprakuratura, ale i tam kažuć: chutčej za ŭsio, Biabienin dobraachvotna pajšoŭ z žyćcia.
A voś kalehi žurnalista — zasnavalnika i kiraŭnika adnaho ź viadučych apazicyjnych partałaŭ Biełarusi
«Viadoma, u kožnaha z nas moža być situacyja, kali chočacca kinucca z mosta abo zaleźci ŭ piatlu. Ale kali ŭ čałavieka zastajecca siamja, za jakuju jon niasie adkaznaść, samahubstva małavierahodnaje, —padzialiŭsia z „Iźviestijami“ biełaruski palitołah Alaksandr Fiaduta, što niekali pracavaŭ ź Biabieninym u haziecie „Imia“. — Aleh zaŭsiody byŭ spakojnym, strymanym čałaviekam. Viersija samahubstva maje takoje ž prava na isnavańnie, jak i viersija zabojstva. Śledstva dapuściła pamyłku, paśpiašaŭšysia ahučyć adzinuju viersiju».
Nie vieryć u jaje i paplečnik zahinułaha apazicyjaniera, lider hramadzianskaj kampanii «Jeŭrapiejskaja Biełaruś» Andrej Sańnikaŭ. Raniej jon abviaściŭ, što hatovy bałatavacca ŭ prezidenty, i Biabienin pavinien byŭ uznačalić pieradvybarčy štab palityka. «My sustrakalisia kožny dzień, u nas byli vialikija płany», — paviedamiŭ Sańnikaŭ. Sam Biabienin raspaviadaŭ kaliści, što ŭ dalokim