Pryčynaj bujnoj avaryi staŭ zvyčajny kamień.
DTZ zdaryłasia na vonkavym kole MKAD, pamiž Partyzanskim praśpiektam i vuł. Pramysłovaj. Utvaryŭsia vializny zator, u jakim sutyknulisia jašče niekalki mašyn. Paviedamlałasia taksama, što ŭ DTZ trapiŭ turystyčny aŭtobus.
U DAI Zavodskaha rajona karespandentu Auto Onliner raskazali: «Sutyknulisia dzieviać mašyn. Dziasiatym byŭ aŭtobus, ale biez pasažyraŭ. U avaryi nichto nie paciarpieŭ. A situacyja vielmi prostaja. Nad kalcavoj prajazdžaŭ čyhunačny sastaŭ, ź niejkaj pryčyny adtul vyvaliŭsia kamień, prosta na mašynu. Ad niečakanaści kiroŭca zatarmaziŭ, i adbyłasia łancuhovaja reakcyja: aŭtamabili, jakija jechali zzadu, nie paśpiavali spynicca i ŭrazalisia adzin u adzin».
Pa słovach supracoŭnikaŭ DPS, praz avaryju byli pierakrytyja 2 pałasy prykładna na paŭhadziny.
Uvohule, zapeŭnivajuć inśpiektary, heta samy zvyčajny ŭčastak kalcavoj. A DTZ adbyłosia šmat u čym praz vypadkovy źbieh abstavinaŭ.
