Nas zadavalniaje lubaja data prezidenckich vybaraŭ, pryznačanaja ŭ adpaviednaści z zakanadaŭstvam, zajaviŭ u intervju BiełaPAN sakratar Centrvybarkama Biełarusi Mikałaj Łazavik.
«My hatovyja da luboha terminu startu vybarčaj kampanii, bo ŭsie nieabchodnyja materyjały jak dla arhanizataraŭ vybaraŭ, tak i dla tych, chto vyrašyŭ vyłučacca kandydatami ŭ prezidenty, padrychtavanyja», — skazaŭ Łazavik.
Nahadajem, niekatoryja ekśpierty vykazvali mierkavańnie, što data prezidenckich vybaraŭ budzie pryznačana 7 vieraśnia na pazačarhovaj siesii Pałaty pradstaŭnikoŭ, adnak hetaha nie adbyłosia.
Nie vyklučana, što data vybaraŭ usio ž budzie pryznačana na pazačarhovaj siesii nižniaj pałaty parłamienta na čarhovym jaje pasiadžeńni 14 vieraśnia. Kali heta adbudziecca, to prezidenckija vybary mohuć być pryznačanyja na 19 śniežnia.
Pavodle mierkavańnia palitołaha Alaksandra Fiaduty, dla kiraŭnika dziaržavy vyhadna, kab vybary prajšli mienavita sioleta. «U kancy hoda nie buduć skončanyja pieramovy z Rasijaj pa cenach na haz. U Łukašenki ŭ hety čas budzie zachoŭvacca mahčymaść manieŭru, bo na jaho budzie mienšy ŭcisk z boku Rasii», — ličyć jon. Akramia taho, adznačaje Fiaduta, u kancy hetaha hoda Łukašenka moža vykarystać najbolšuju vyhadu z abiacanaha pavyšeńnia siaredniaha zarobku da 500 dołaraŭ.
Kali ž rašeńnie ab pryznačeńni daty vybaraŭ budzie prymacca Pałataj pradstaŭnikoŭ na čarhovaj siesii, jakaja adkryjecca 4 kastryčnika, to vybary projduć nie raniej čym 9 studzienia.
Pavodle Kanstytucyi, vybary prezidenta pryznačajucca Pałataj pradstaŭnikoŭ nie paźniej čym za piać miesiacaŭ i pravodziacca nie paźniej čym za dva miesiacy da zakančeńnia terminu paŭnamoctvaŭ dziejnaha prezidenta. Prezidenckija paŭnamoctvy Łukašenki zakančvajucca 6 krasavika 2011 hoda. Takim čynam, apošni termin praviadzieńnia prezidenckich vybaraŭ — 6 lutaha 2011 hoda, a ich pryznačeńnia — 6 listapada 2010 hoda.
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma12
Kamientary