«Na bitvu da Hrunvaldu išli vilency, pałačanie, novaharodcy, viciablanie, hrodziency, mahilaŭčanie, pinčuki, a ź bitvy viartalisia biełarusy. Ništo tak nie abjadnoŭvaje ludziej, jak pieramoha ...»
Padzieja, jakaja adbyłasia 15 lipienia 1410 hoda, karennym čynam źmianiła siaredniaviakovuju Jeŭropu. Vojska biełarusaŭ, litoŭcaŭ, palakaŭ, ukraincaŭ i rasiejcaŭ razhramiła pad Hrunvaldam vojska teŭtonskich rycaraŭ. Heta bitva stała adnoj z samych słaŭnych staronak našaha minułaha i vyznačyła dalejšy chod historyi na šmatlikija stahodździ.
U Śvietłahorsku adbudziecca fotavystava «Uspamin pra Hrunvald». Vystava «Šlach na Hrunvald» - heta sproba restaŭravać tyja dalokija i vialikija padziei praz fantazii fotamastakoŭ. Vystava prachodzić u ramkach vystavačnaha prajekta, pryśviečanaha 50-hodździu Narodnaha fotakłuba «Minsk» i ŭ ramkach śviatkavańnia dnia horada Śvietłahorska.
Aŭtary: Alaksandr Vaładźko, Arkadź Biryłka, Artur Hapanovič, Vital Rakovič, Kanstancin Mielnik, Maksim Anin, Śviatłana Kandybovič, Uładzimir Buturla.
Dziciačaja mastackaja škoła, h. Śvietłahorsk, m-n «Jubilejny», 1-b. Hadziny pracy: paniadziełak - subbota: 09.00-19.00, vychadny - niadziela.