U inicyjatyŭnuju hrupu pretendenta na pasadu prezidenta adLibieralna-demakratyčnaj partyi (ŁDP) Siarhieja Hajdukieviča ŭvachodziać 10.483 čałavieki.
«Pradstaŭniki majho štaba ŭžo čatyry dni praviarajuć źviestki členaŭ inicyjatyŭnych hrup», — paviedamiŭ palityk u intervju BiełaPAN.
Proźviščy členaŭ inicyjatyŭnaj hrupy buduć raźmieščanyja na partyjnym sajcie, kab «usia kraina i śviet bačyli, jakaja kolkaść ludziej padtrymlivaje pretendenta ad ŁDP». «Ja ciapier ź nieciarpieńniem čakaju, kolki ž ludziej uvojdzie ŭ inicyjatyŭnuju hrupu Alaksandra Łukašenki», — dadaŭ jon.
Hajdukievič taksama paviedamiŭ, što zajava na rehistracyju jaho inicyjatyŭnaj hrupy budzie pieradadziena ŭ Centrvybarkam 24 vieraśnia.
U 2008 hodzie źjezd ŁDP vyłučyŭ Hajdukieviča pretendentam u kandydaty na pasadu prezidenta. Lidar partyi ŭžo ŭdzielničaŭ u prezidenckich vybarach 2001 i 2006 hadoŭ, padčas jakich za jaho, pavodle aficyjnych źviestak, prahałasavała 2,48% i 3,5% vybarščykaŭ.