Pradstaŭniki apazicyi nie ŭklučany ŭ skład Homielskaj abłasnoj terytaryjalnaj vybarčaj kamisii.
Pasiadžeńnie pa farmiravańni kamisii prajšło 27 vieraśnia. Na ŭklučeńnie ŭ abłasnuju kamisiju pretendavali pradstaŭniki struktur Partyi BNF, AHP i «Spraviadlivaha śvietu».
Jak paviedamiŭ člen AHP Uładzimir Kacora, pry farmiravańni kamisii pradstaŭniki abłvykankama rastłumačyli, što pieravaha addajecca tym, chto maje praktyčny vopyt pracy ŭ vybarčych kamisijach. Kamisija była sfarmiravana z 13 čałaviek, tudy trapili pradstaŭniki Respublikanskaj partyi pracy i spraviadlivaści, ŁDP i KPB.
«Biełaruskija vybary zaŭsiody prachodziać biez apazicyi. Nie stali vyklučeńniem i hetyja, — adznačyŭ Kacora. — Było b dziŭna, kali b pradstaŭnikoŭ apazicyi ŭklučyli ŭ kamisiju. Ułada sprabuje abstavić praces uklučeńnia ŭ kamisiju demakratyčna. Bo navat nie adnu treciu, a dźvie trecija ŭ stvoranaj kamisii addali pradstaŭnikam partyj i praŭładnych hramadskich abjadnańniaŭ. Ale heta dobraja mina pry drennaj hulni».
Pavodle słoŭ Kacory, nie ŭklučanyja ŭ skład rajonnych kamisij členy AHP u Dobrušy, Kalinkavičach i
