Pastanovaj Savieta ministraŭ № 1382 ad 27 vieraśnia 2010 hoda da 118 tys. rubloŭ (na 31%) pavyšajecca taryfnaja staŭka pieršaha razradu
dla apłaty pracy rabotnikaŭ biudžetnych arhanizacyj i inšych arhanizacyj, što atrymlivajuć subsidyi i rabotniki jakich pryraŭnavany pa apłacie pracy da rabotnikaŭ biudžetnych arhanizacyj. Dziejnaja ciapier taryfnaja staŭka pieršaha razradu, jakaja była ŭstanoŭlena 1 červienia 2010 hoda, składaje 90 tys. rubloŭ.
Pastanovaj taksama ŭstanoŭleny karekcirujučyja kaeficyjenty 2,862–0,915 da raźličanych pa Adzinaj taryfnaj sietcy rabotnikaŭ Respubliki Biełaruś taryfnych stavak (akładaŭ) rabotnikaŭ arhanizacyj, što taryfikujucca z 1 pa 27 razrady.
Ministerstvu pracy i sacyjalnaj abarony daručana va ŭstanoŭlenym paradku ŭvieści karekcirujučyja kaeficyjenty da taryfnych stavak (akładaŭ) rabotnikaŭ.
Respublikanskim orhanam dziaržaŭnaha kiravańnia, miascovym vykanaŭčym i rasparadčym orhanam, kiraŭnikam biudžetnych arhanizacyj i inšych arhanizacyj, što atrymlivajuć subsidyi i rabotniki jakich pryraŭnavany pa apłacie pracy da rabotnikaŭ biudžetnych arhanizacyj, nieabchodna zabiaśpiečyć pieraraźlik zarabotnaj płaty rabotnikaŭ u adpaviednaści z ustanoŭlenaj nazvanaj pastanovaj taryfnaj staŭkaj pieršaha razradu i kaeficyjentami ATS z ulikam karekcirujučych kaeficyjentaŭ.
Z 1 listapada ŭ Biełarusi taksama pavyšana minimalnaja zarpłata. Nalistapad-śniežań jana ŭstanoŭlena ŭ 400 tys. rubloŭ, hadzinnaja minimalnaja — u 2.360 rubloŭ.
Takim čynam, minimalnaja zarabotnaja płata pavialičycca na 54,7%, a hadzinnaja minimalnaja zarabotnaja płata na 54,2%.
U adpaviednaści z zakonam ad 17 lipienia 2002 hoda «Ab ustanaŭleńni i paradku pavyšeńnia pamieru minimalnaj zarabotnaj płaty» MZP (miesiačnaja i hadzinnaja) prymianiajecca jak dziaržaŭny minimalny sacyjalny standart u halinie apłaty pracy za rabotu ŭ narmalnych umovach pry vykanańni ŭstanoŭlenaj (miesiačnaj abo hadzinnaj) normy pracy. Pamier MZP (miesiačnaj i hadzinnaj), ustanoŭleny zakanadaŭstvam, źjaŭlajecca abaviazkovym dla najmalnikaŭ u jakaści nižejšaj miažy apłaty pracy rabotnikaŭ.