Vyłučajucca z ahulnaha śpisu dva kandydaty — Uładzimir Niaklajeŭ i Ryhor Kastusioŭ.
Vyłučajucca z ahulnaha śpisu dva kandydaty — Uładzimir Niaklajeŭ i Ryhor Kastusioŭ.
30 vieraśnia kandydaty ŭ prezidenty pačali zbor podpisaŭ. Mała dla kaho sakret, što štaby kandydataŭ apłočvajuć siabram svajoj inicyjatyŭnaj hrupy takuju pracu. Chto z kandydataŭ kolki prapanuje?
Treba adznačyć, što ŭ bolšaści apazicyjnych kandydataŭ rascenka adnolkavaja — 1,5 tysiačy za kožny podpis. Hetkija hrošy, pavodle infarmacyi «Našaj Nivy», prapanoŭvajuć Andrej Sańnikaŭ, Aleś Michalevič, Vital Rymašeŭski, Mikoła Statkievič, Jarasłaŭ Ramančuk.
Takim čynam atrymlivajecca, što tolki na etap zboru podpisaŭ kandydatu patrebna kala 50 tysiač dalaraŭ. Ale nie varta dumać, što absalutna ŭsie źbirajuć podpisy za hrošy. Naturalna, u kamandach kožnaha z kandydataŭ jość i takija ludzi, jakija pracujuć ź idejnych pierakanańniaŭ, a nie kab zarabić.
Vyłučajucca z ahulnaha śpisu tolki dva kandydaty — Uładzimir Niaklajeŭ i Ryhor Kastusioŭ. Staŭka ŭ «Havary praŭdu» istotna bolšaja, čym u inšych kandydataŭ — 1,5 dalara za aŭtohraf.Moža tamu i inicyjatyŭnaja hrupa ŭ Niaklajeva bolšaja, čym u inšych apazicyjnych palitykaŭ.
A voś za Ryhora Kastusiova ludzi podpisy buduć źbirać absalutna zadarma, za ideju.Takaja pazicyja bližejšaja da jeŭrapiejskich normaŭ. Tam vałanciory na vybarčych kampanijach taksama pracujuć biaspłatna. Ale heta chutčej pakazčyk demakratyčnych hramadstvaŭ. U Biełarusi ž, dzie ludzi časta hublajuć za svaje palityčnyja pierakanańni pracu, vybary — ryzykoŭnaja adkaznaść.
Alaksandru Łukašenku płacić asobna za pracu siabroŭ inicyjatyŭnaj hrupy niama patreby. Šmattysiačny ideałahičny i infarmacyjny aparat pracuje nie «na hanararach», a na «staŭkach».
Pry hetym łukašenkaŭcy jašče i pachvalajucca, što źbirać podpisy jany buduć u čas «paśla pracy».
A voś Siarhiej Hajdukievič i Viktar Ciareščanka taksama vymušanyja płacić svaim aktyvistam. Pryčym u apošniaha, pavodle infarmacyi «Našaj Nivy», suma bolšaja, čym u asnoŭnaj častki apazicyjanieraŭ.
Zrešty, niaredka padčas papiarednich kampanij byvała tak, što kandydat abiacaje za podpisy adnu sumu, a potym nie moža raspłacicca. Z padobnaj prablemaj u 2001 hodzie sutyknuŭsia Leanid Sinicyn. Chto viedaje, ci nie paŭtorycca heta ŭ kaho z kandydataŭ i sioleta.
Juryst Siarhiej Alfier nie bačyć u padobnaj praktycy apłaty ničoha supraćzakonnaha. «Tyja kandydaty, chto budzie zarehistravany, stvorać vybarčyja fondy. Dyk voś hrošy z hetych fondaŭ jany mohuć raźmiarkoŭvać, jak zachočuć:ci heta budzie apłata vałancioraŭ, ci dadatkovy druk infarmacyjnych materyjałaŭ. Nijakich prablem tut niama».
Ciapier čytajuć
Dźmitryja Łukašenki nie było z baćkam i bratami na adznačeńni 3 Lipienia19
Kamientary