Siamaška: «U bližejšyja dva hady praz Kłajpiedski port my transpartujem nie mienš čym 2,5 młn tonaŭ nafty».
Siamaška: «U bližejšyja dva hady praz Kłajpiedzki port my transpartujem nia mienš čym 2,5 młn tonaŭ nafty».
Biełaruś i Litva damovilisia pra tranzyt venesuelskaj nafty praz Kłajpiedzki marski port. Pra heta žurnalistam zajaviŭ hieneralny dyrektar Klaipedos nafta Rokas Masiulis.
Dvuchbakovaja rabočaja hrupa ŭ Kłajpiedzie pryjšła da zhody adnosna ŭmovaŭ tranzytu nafty. Pry hetym, adznačyŭ Masiulis, damova pavinna być padpisanaja na praciahu kastryčnika.
Litva, pa jaho słovach, zacikaŭlena ŭ jak maha bolš doŭhaterminovym supracoŭnictvie, u toj čas jak Biełarusi chaciełasia b zaklučyć damovu na karotki čas. Masiulis nia ŭpeŭnieny, što damova ŭstupić u siłu ŭžo sioleta.
Pieršy namieśnik premjer-ministra Biełarusi Ŭładzimier Siamaška zajaviŭ Litoŭskamu telebačańni: "Da kanca kastryčnika našy haspadarčyja subjekty i Litoŭskaja čyhunka padpišuć kankretnyja damovy, pa jakim sa śniežnia ŭ bližejšyja dva hady my transpartujem nia mienš čym 2,5 młn. tonaŭ nafty praz Kłajpiedzki port pa čyhunkach Litvy i Biełarusi na našy naftapierapracoŭčyja pradpryjemstvy".
BiełaPAN nahadvaje, što pryblizna miesiac tamu ŭ Klaipedos nafta pierahruzili tankier, jaki dastaviŭ z Venesueły 80 tysiačaŭ tonaŭ nafty dla Biełarusi.
Kamientary