Pakul Radźkoŭ zaniaty vybarami, KDK zaniaŭsia Radźkovym 8

Kamitet dziaržkantrolu pravieryŭ efiektyŭnaść i metavaje raschodavańnie biudžetnych srodkaŭ, vydzielenych na rekanstrukcyju, kapitalny i biahučy ramont abjektaŭ Minadukacyi. Usiudy vyjaŭlenyja zavyšeńni koštu pracaŭ.

Jak paviedamlaje pres-słužba KDK, pravierkami achoplena piać vyšejšych navučalnych ustanovaŭ, padviedamnych Ministerstvu, try adździeły adukacyi, upraŭleńnie adukacyi administracyi Zavodskaha rajona h. Minska, KUP «UKB administracyi Leninskaha rajona h. Minska», a taksama čatyry navučalnyja ŭstanovy, jakija zabiaśpiečvajuć atrymańnie prafiesijnaj adukacyi.

Vyśvietlena, što va ŭmovach nienaležnaha kantrolu zamoŭnikaŭ (ustanovaŭ adukacyi) padradnymi arhanizacyjami zavyšaŭsia košt budaŭniča-mantažnych i ramontna-budaŭničych pracaŭ pa biahučym i kapitalnym ramoncie abjektaŭ ustanovaŭ adukacyi.

Zavyšeńnie koštu i abjomaŭ vykananych pracaŭ byli zaŭvažanyja ŭ kožnaj pravieranaj ustanovie adukacyi. Naprykład, u Mahiloŭskim dziaržaŭnym univiersitecie imia Kulašova «vyjaŭlenyja zavyšeńnia koštu budaŭnictva na sumu 21,9 miljona rubloŭ (pa kapramoncie internata i spartzały), u tym liku praź niajakasnaje vykanańnie pracaŭ dapuščanaje zavyšeńnie na sumu 11 miljonaŭ rubloŭ.

Ustanova adukacyi «Baranavicki dziaržaŭny ŭniviersitet» pry nievykanańni hrafika vytvorčaści rabot pa abjekcie «Kapitalny ramont z madernizacyjaj budynka navučalnaha korpusa pa vuł. Praletarskaja, 30, u h. Baranavičy» ŭ lutym-vieraśni 2008 pakryvała vydatki pa premijavańni za vytvorčyja vyniki. Praź nieabhruntavanaje ŭklučeńnie premii ŭ raźlikovyja dakumienty košt budaŭniča-mantažnych pracaŭ byŭ zavyšany na 36,7 miljona rubloŭ.

Praviarajučy abhruntavanaść koštu budaŭniča-mantažnych i ramontna-budaŭničych pracaŭ na abjektach, zamoŭnikami jakich byli adździeły i ŭpraŭleńni adukacyi, a taksama siarednija śpiecyjalnyja navučalnyja ŭstanovy, śpiecyjalistami Kamiteta dziaržkantrolu vykrytyja zavyšeńni koštu na sumu 345,4 młn rub.

Akramia taho, vyśvietlena, što

asobnyja budaŭničyja arhanizacyi vykonvali pracy biez najaŭnaści siertyfikataŭ adpaviednaści.

Niekatorymi ŭstanovami adukacyi biudžetnyja srodki vydatkoŭvalisia na zakupku ajčynnych materyjałaŭ u pasiarednikaŭ zamiest nabyćcia ich u vytvorcaŭ.

Padčas abśledavańnia majomaści ŭstanovaŭ adukacyi vyjaŭlenyja nie pryniatyja da buchhałtarskaha ŭliku abjekty asnoŭnych srodkaŭ na ahulnuju sumu 1,7 miljarda rubloŭ.

Usiaho pravierkaj vykrytyja zavyšeńni abjomaŭ i koštu ramontna-budaŭničych pracaŭ na sumu 498,4 młrd rubloŭ, niametavaje i nieefiektyŭnaje vykarystańnie biudžetnych srodkaŭ u pamiery 1 młrd rubloŭ, praźmiernaje vydatkoŭvańnie biudžetnych srodkaŭ na sumu 8,5 młn rubloŭ. U vyniku pravierki papiaredžanaje niezakonnaje vydatkoŭvańnie biudžetnych srodkaŭ na sumu 895,6 młn rubloŭ.

Infarmacyja ab praviercy, jakaja źmiaščaje peŭnyja vysnovy i prapanovy, nakiravanaja ŭ Saviet ministraŭ.

0

0

0

0

0

0

Ježiednievnik

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH