Rasiejski aktor Stanisłaŭ Sadalski paprasiŭ dać jamu hramadzianstva Hruzii, pieradaje «Echo Moskvy». Pavodle słovaŭ konsuła hruzinskaha pasolstva ŭ Maskvie Zuraba Pataradze, jon vyrašyŭ padać aficyjnuju zajavu na prysvajeńnie jamu hramadzianstva Hruzii, kab «padtrymać u ciažki momant hruzinski narod».
«My aficyjna razhiałajem hetuju zajavu i ŭ zvyčajnym režymie nakiroŭvajem jaje dla razhladu ŭ Tbilisi», – dadaŭ kosuł. Pavodle słoŭ Pataradze, jon nia bačyć pieraškodaŭ dla atrymańnia Sadalskim hruzinskaha hramadzianstva.
Raniej paviedamlałasia, što niekalki maładych pieciarburžcaŭ vyrašyli na znak salidarnaści z Hruzijaj pamianiać proźviščy na hruzinskija.
❏
A tym časam
U Maskvie razhromlenaja hruzinskaja mastackaja halereja
U subotu byŭ učynieny napad na maskoŭskuju halereju Marata Hielmana. Jak raskazaŭ «Echo Moskvy» sam Hielman, dziesiać čałaviek razhramili vystavy i ofisy, pastavili supracoŭnikaŭ da ścienki i zabrali ŭ ich telefony.
Na dumku Hielmana, heta była akcyja zastrašeńnia. Ničoha skradziena nie było, adno źniščyli 20 prac mastaka Alaksandra Džykija, vystava jakoha prachodziła ŭ halerei.
Pavodle Hruzija Online
