U  studzieni-vieraśni ŭ šerahu halinaŭ pramysłovaści adznačany spad vytvorčaści

Jak paviedamlaje Biełstat,

padzieńnie abjomaŭ vytvorčaści ŭ paraŭnańni z takim ža letašnim pieryjadam adbyłosia: u naftapierapracoŭčaj (na 27,5%),

stankabudaŭničaj i instrumientalnaj pramysłovaści (na 4,4%), a taksama chlebapiakarnaj pramysłovaści (na 2,9%).

U cełym adbyłosia padzieńnie abjomaŭ vytvorčaści ŭ paliŭnaj pramysłovaści (na 21,6%), u tym liku ŭ naftazdabyŭnoj pramysłovaści — na 1,2%.

U chimičnaj i naftachimičnaj pramysłovaści vytvorčaść za dzieviać miesiacaŭ hetaha hoda pavialičyłasia na 14,2%, u čornaj mietałurhii — na 14,3%, u pramysłovaści budmateryjałaŭ — na 8,5%, u mašynabudavańni i mietałaapracoŭcy — na 13,7%, charčovaj — na 9,4%, lohkaj — na 11%, u lasnoj, drevaapracoŭčaj i celułozna-papiarovaj pramysłovaści — na 14,1%, u elektraenierhietycy — na 13,4%.

Najbolšy pryrost vytvorčaści adbyŭsia ŭ chimičnaj pramysłovaści — na 14,8%.

U cełym pa pramysłovaści za dzieviać miesiacaŭ abjom vytvorčaści vyras na 10,3% u paraŭnańni z takim ža pieryjadam 2009 hoda i skłaŭ 114 trłn. 669,8 młrd. rubloŭ.

Zhodna z prahnozam sacyjalna-ekanamičnaha raźvićcia na 2010 hod, abjom pramysłovaj pradukcyi pavinien vyraści na 10–12% pa vynikach hoda.

0

0

0

0

0

0

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH