Inicyjatyŭnaja hrupa Alesia Michaleviča naviedała tak zvany «milicejski» šmatpaviarchovik, dzie znajšła nadziva surjoznuju padtrymku.
«My źbirali podpisy ŭ novym mikrarajonie i zajšli ŭ dom, dzie ŭ asnoŭnym pražyvajuć siemji supracoŭnikaŭ Salihorskaha RAUS. Heta było niečakana, ale značnaja kolkaść žycharoŭ hetaha doma biez usialakich kompleksaŭ padpisałasia za našaha pretendenta, — raskazvaje miascovy aktyvist Uładzimir Šyła. — Niekatoryja, praŭda, kazali, što milicyja nie ŭdzielničaje ŭ vybarach. Tady ja spytaŭ, niaŭžo jany i hałasavać nie pojduć. Pytańnie pastaviła ich u tupik».
Pavieł Batujeŭ, jaki nie raz zatrymlivaŭsia miascovymi supracoŭnikami milicyi za ŭdzieł u palityčnych akcyjach u apošnija hady, paćvierdziŭ słovy svajho kalehi pa zbory podpisaŭ:
«Sustreŭ u hetym domie šmat znajomych tvaraŭ z adździaleńnia milicyi. U mianie samoha byli peŭnyja stereatypy. Słaba vieryłasia, što buduć padpisvacca. Tym nie mienš, podpisy źbiralisia absalutna narmalna. Navat lepš, čym u niekatorych inšych damach», — cytujuć Batujeva «Pravaabaroncy za svabodnyja vybary».
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary