Ekśpierty ABSIE z Narviehii i Šviecyi, jakija prybyli 25 kastryčnika ŭ Minsk dla aznajamleńnia z materyjałami pa spravie ab hibieli žurnalista Aleha Biabienina, praktyčna zaviaršyli svaju pracu.
Pra heta paviedamili ŭ Hienieralnaj prakuratury. Pavodle źviestak surazmoŭcy ahienctva, sudovamu miedyku i kryminalistu, jakich vyznačyŭ centralny ofis ABSIE ŭ Vienie,
chapiła pierakładzienych dla ich na anhlijskuju movu materyjałaŭ rasśledavańnia biełaruskich pravaachoŭnych orhanaŭ.
Zamiežnyja śpiecyjalisty naviedali miesca zdareńnia ŭ vioscy Piarchurava Dziaržynskaha rajona, byli na leciščy Biabienina, sustrelisia ź jaho siabrami i tymi, chto ŭ liku pieršych ubačyŭ žurnalista ŭ piatli.
Pavodle najaŭnaj infarmacyi, 28 kastryčnika ekśpierty majuć namier sustrecca ź lidaram kampanii «Jeŭrapiejskaja Biełaruś» Andrejem Sańnikavym, u kamandzie jakoha Biabienin byŭ adnoj z klučavych fihur.
Ekshumacyi cieła zahinułaha, chutčej za ŭsio, nie budzie, paviedamili ŭ Hienprakuratury.
Čakajecca, što jeŭrapiejskija ekśpierty pakinuć Minsk 29 kastryčnika.
Nahadajem, cieła žurnalista, jakoje visieła ŭ piatli, było znojdziena ŭ jaho dačnym domie pryblizna ŭ 19.00 3 vieraśnia. Orhany prakuratury praviarajuć viersiju ab zabojstvie i insceniroŭcy samahubstva Biabienina. Praviadzieńnie pravierki pa fakcie hibieli Biabienina zaviaršajecca 3 listapada.
***
Aleh Biabienin naradziŭsia ŭ 1974 hodzie. Skončyŭ fakultet žurnalistyki Biełaruskaha dziaržaŭnaha ŭniviersiteta. U