Ci pabudujuć niemcy zavody pa pierapracoŭcy śmiećcia?

«U najbližejšy čas my z vami sustreniemsia, ale vy pavinnyja budziecie pierad hetym razhledzieć pytańnie ab stvareńni sumiesnaha pradpryjemstva»,

U listapadzie 2008 byŭ padpisany ŭkaz № 617 ab budaŭnictvie ŭ Breście zavoda pa pierapracoŭcy śmiećcia.

Strabag Umweltanlagen GmbH uvachodzić u skład bujnoha aŭstryjskaha budaŭničaha chołdynhu Strabag SE. Asnoŭny napramak chołdynhu — budaŭnictva transpartnaj infrastruktury, u krainach Uschodniaj Jeŭropy i byłoha SSSR — kamiercyjnaja nieruchomaść i elitnaje žyllo.

«Dalejšyja pierśpiektyvy našaha supracoŭnictva buduć zaležać ad realizacyi dadzienaha prajektu, a pa-druhoje — ad stvareńnia sumiesnaha pradpryjemstva, ale nie na papiery, a ŭžo na spravie», — skazaŭ Łukašenka, nahadaŭšy, što ŭvod u ekspłuatacyju hetaha zavoda płanujecca ŭ červieni 2011. Užo da hetaha času, pa jaho słovach, musić być stvoranaje sumiesnaje pradpryjemstva.

«Kali hetaje SP budzie pracavać i vyrablać abstalavańnie, to my razhledzim mahčymaść budaŭnictva takich zavodaŭ u inšych haradach krainy», — skazaŭ Łukašenka.

U 2007 Rasperia Trading, što naležyć rasijskamu aliharchu Alehu Dzierypasku, stała akcyjanieram Strabag, kupiŭšy za 1,2 młrd jeŭra kala 30% kampanii, jakija ŭ vyniku IPO pieratvarylisia ŭ 25% minus 1 akcyja.

Praz kryzis Dzierypaska byŭ vymušany zakłaści hety pakiet akcyj. Inšyja akcyjaniery Strabag — Raiffeisen / Uniqa Group i siamja kiraŭnika chołdynhu Chansa-Pietera Chazielštajniera — dali Dzierypasku kredyt na 500 młn jeŭra, bo chacieli zachavać partniorstva i nie stracić pierśpiektyŭny rasijski rynak. I choć jany čatyry razy pieranosili termin pahašeńnia kredytu, Rasperia Trading tak i nie zmahła jaho vypłacić, i ŭ kancy krasavika minułaha hoda jaje pakiet akcyj pierajšoŭ va ŭłasnaść akcyjanieraŭ Strabag.

Łukašenka siońnia vykazaŭ hatoŭnaść abmierkavać inšyja prapanovy niamieckaj kampanii ab supracoŭnictvie ŭ śfiery enierhietyki.

Strabag Umweltanlagen GmbH akramia budaŭnictva zavodaŭ pa pierapracoŭcy śmiećcia zajmajecca vodaačyščalnymi zbudavańniami i vytvorčaściu bijahazu.

Zhodna z ukazam № 617 Strabag Umweltanlagen GmbH abaviazałasia za košt kredytnych resursaŭ JEBRR uvieści ŭ ekspłuatacyju abjekt «Miechanika-bijałahičnaja ŭstanoŭka pa apracoŭcy 100 tys. ton u hod ćviordych bytavych adkidaŭ i da 370 tys. kub. mietraŭ u hod hleju i asadkaŭ ściokavych vodaŭ u h. Breście» pa technałohii firmy LINDE-KCA-DRESDEN GmbH (Hiermanija).

Pry hetym mahutnaści pa ačystcy ściokavych vodaŭ mierkavałasia zapuścić u 2-m kvartale 2010, ustanoŭku pa pierapracoŭcy ćviordych adkidaŭ — u 2-m kvartale 2011.

• 0
• 0
• 0
• 0
• 0
• 0
• 0
• 0