?
Staršynia Vyšejšaha haspadarčaha sudu padaŭ pratest na rašeńnie Mienskaha haradzkoha haspadarčaha sudu ab losie budynku "Novaha žyćcia". Pratestanty spyniajuć haładoŭku
Haładoŭka spyniajecca da rašeńnia Plenumu Vyšejšaha haspadarčaha sudu, jaki moža pierahledzieć rašeńnie haradzkoha sudu. Post praciahvajecca, zajaviŭ pastar Hančarenka.
Kali pytańnie nia budzie vyrašana stanoŭča – akcyja adnovicca. Viernikaŭ paprasili być hatovymi da luboha raźvićcia padziejaŭ.
?
Pieršaja pieramoha pratestantaŭ-haładoŭnikaŭ
Staršynia VHS sp.Kamiankoŭ pryznaŭ rašeńnie Mienharsudu nieadpaviednym zakonu. Ale zakonnaść ci niezakonnaść rašeńnia sudździ Karamyšava jašče budzie razhladacca na plenumie VHS. Jon sklikajecca raz na tydzień i musić vynieści rašeńnie ciaham adnaho miesiaca.
Praŭnik carkvy «Novaje žyćcio» zaznačaje, što heta pieršy krok ułady nasustrač viernikam, i spadziajecca, što plenum VHS moža vynieści svajo rašeńnie ŭžo na nastupnym sklikańni, kab ciaham času zdaroŭje haładoŭnikaŭ nie paharšałasia.
Siońnia ž u budynku carkvy adbyłosia pieršaje pasiedžańnie Hramadzianskaj rady dla arhanizacyi salidarnych dziejańniaŭ (dalej HR). Hetaja Rada stavić za metu abaronu pravoŭ viernikaŭ. Siarod prysutnych varta adznačyć mastaka Alesia Maračkina, žurnalista Siarhieja Chareŭskaha, filozafa Alesia Ancipienku, pradstaŭnikoŭ pravaabarončych arhanizacyjaŭ.
Vynikam rady stalisia čatyry zajavy:
Pieršaja zajava da srodkaŭ masavaj infarmacyi. Najpierš heta zvarot da aficyjnych ŚMI, jakija zamoŭčvajuć abo skažajuć padziei ŭ «Novym žyćci». Da ich vysunuta patrabavańnie dać hramadzkaść poŭnuju i abjektyŭnuju infarmacyi pra akcyju haładoŭnikaŭ.
Adrasatam druhoj zajavy staŭsia Mienharvykankam. Rada zaklikała vypravić sytuacyju, skasavaŭšy niezakonnuju pastanovu i paviedamlajučy šyrokuju hramadzkaść pra chadu dy vyniki pieramovaŭ.
Treciuju zajavu dasyłajuć viernikam carkvy. U joj słovy salidarnaści i padtrymki.
U čaćviertaj zajavie ŭtrymlivajecca zvarot da pradstaŭnikoŭ najbujniejšych chryścijanskich kanfesijaŭ Biełarusi, kab supolna damahacca liberalizacyi relihijnaha zakanadaŭstva.
Abvieščana taksama ab stvareńni pracoŭnaj hrupy ŭ składzie rady.
Aleś Ancipienka i Siarhiej Chareŭski zaklikali adkinuć emocyi i eŭfaryju.
Na naradzie prysutničali pastary ź inšych cerkvaŭ (naprykład, pastar carkvy Isusa Chrysta sp.Čarnahłaz).
Z pradstaŭnikoŭ palityčnych kołaŭ prysutničali Alaksiej Janukievič, namieśnik staršyni partyi BNF, i Alaksiej Šein, pradstaŭnik Milinkieviča i ruchu «Za svabodu!».
?
Zatrymanaja ŭ čaćvier u harvykankamie žonka haładoŭnika Ŭładzimiera Mackieviča Śviatłana ŭ piatnicu była pakaranaja štrafam – 5 bazavych adzinak.
Sudovaje pasiedžańnie vioŭ sudździa Kazak.
Na sud pryjšło stolki ludziej, što paŭstała pytańnie pamiaškańnia, tamu pasiedžańnie raspačałosia sa spaźnieńniem amal na hadzinu. Urešcie pastanavili raźmiaścić ludziej u vialikaj zali, raźličanaj na 60 čałaviek (padtrymać Śviatłanu Mackievič pryjšło blizka sotni čałaviek).
Z boku abvinavačańnia prysutničali čatyry milicyjanty-śviedki, jakija śćviardžali, što spn.Mackievič pahražała zastacca ŭ budynku Mienharvykankamu da ranicy. Kab padmacavać svaje słovy, milicyjanty prademanstravali videazapis, jaki, adnak, nie paćvierdziŭ ichnich słovaŭ. Z boku abarony byli zasłuchanyja piać śviedkaŭ. Adzin sa śviedkaŭ byŭ adchileny sudom, bo nie prysutničaŭ na miescy padziejaŭ; heta lekar, jaki musiŭ patłumačyć pryčynu znachodžańnia delehacyi ŭ Mienharvykankamie (jany musili raspavieści pra stan zdaroŭja haładoŭnikaŭ i rastłumačyć nieabchodnaść skarejšaha vyrašeńnia pytańnia).
Advakatka spn.Mackievič daviała, što milicyjanty, jakija vyciaśniali delehataŭ, dziejničali z parušeńniem zakanadaŭstva: ludzi ŭ cyvilnym nie nazvalisia i nie pakazali paśviedčańniaŭ. Ź jaje słovaŭ, žančyny ŭ toj momant čakali na sustreču z čynoŭnikam i amal nie razmaŭlali (što i paćvierdziŭ videazapis). Kali da ich pryjšli dźvie žančyny z adździełu ŭ spravach relihii i zahavaryli ź imi, źjavilisia ludzi ŭ cyvilnym i pačali vyciaśniać delehatak vonki. U hety momant i była zatrymanaja spn.Mackievič.
?
2006-10-27, 17.45
Praŭnik carkvy Siarhiej Łukanin paviedamiŭ, što maje infarmacyju pra adkaz Haspadarčaha sudu, jaki nibyta siońnia dasłali na adras carkvy. Padrabiaznaści buduć viadomyja praź niekalki hadzinaŭ.
?
Špitalizavanyja šeść pratestantaŭ-haładoŭnikaŭ
Haładoŭka evanhielistaŭ z «Novaha žyćcia» pierajšła ŭ dramatyčnuju stadyju. Za apošnija sutki špitalizavanyja šeść ŭdzielnikaŭ akcyi pratestu.
Stan zdaroŭja haładoŭnikaŭ vyklikaje ŭsio bolšuju zaniepakojenaść. Medyki prahnazujuć, što ŭ chutkim časie mohuć pačaścicca vypadki špitalizacyi ŭdzielnikaŭ akcyi, što znachodziacca ŭ haładoŭcy ad pieršych dzion.
Za apošnija sutki špitalizavanyja šeść ŭdzielnikaŭ akcyi pratestu. Dźviuch žančynaŭ, jakim stała kiepska ŭ carkvie, u bolnicy ahledzieli i adpuścili, adznačyŭšy, što ŭ ich dobryja analizy i ništo nie pahražaje ichniamu zdaroŭju. Taksama dźvie žančyny admovilisia ad špitalizacyi pa siamiejnych abstavinach. Bolšaść špitalizavanych – žančyny, što trymali haładoŭku ad pieršaha dnia. Adna ź ich – maci čatyroch dziaciej.
Rodnyja udzielnikaŭ haładoŭki ŭ čaćvier naviedalisia ŭ Ministerstva achovy zdaroŭja. Jany mieli sustreču z namieśnikam ministra pa sanepidemnahladzie Michaiłam Rymšam. Rodnyja ŭručyli zajavy z patrabavańniami, siarod jakich – arhanizacyja stałaha nazirańnia medykaŭ i aficyjnaje pryznańnie akcyi carkvy «Novaje žyćcio» haładoŭkaj. Inicyjatary vizytu nastojvali na tym, kab čynoŭniki zrabili ŭsio mahčymaje, dziela chutčejšaha vyrašeńnia kanfliktu pamiž uładami i viernikami.
26 kastryčnika była praviedzienaje klinika-łabaratornaje abśledvańnie ŭdzielnikaŭ akcyi «post-haładoŭka». Im byŭ zrobleny ahulny i razhornuty bijachimičny analiz kryvi. 30 čałaviek, što haładali bolš za 2 tydni, byli abśledavanyja ŭ čaćvier u klinika-dyjahnastyčnaj labaratoryi 9-j haradzkoj kliničnaj bolnicy.
Kiraŭnictva carkvy padziakavała supracoŭnikam adździaleńnia i zahadčycy klinika-dyjahnastyčnaj labaratoryi 9-j haradzkoj kliničnaj bolnicy za prafesijnaść i čujnaje staŭleńnie da pacyjentaŭ.
Pa słovach pres-sakratarki carkvy Iny Davydovič, časta medyki nia zdolnyja akazać kvalifikavanaj dapamohi haładoŭnikam, bo nia majuć adpaviednaha vopytu. «Jany pryznajuć, što hety vypadak pieršy ŭ ichniaj praktycy» – zaznačaje I. Davydovič. «My možam tolki zdahadvacca, čamu žančynaŭ, jakim tut stała błaha, nie pakłali ŭ bolnicu – ci heta niekampetentnaść, ci zahad źvierchu, ci im sapraŭdy ničoha nie pahražała, u što słaba vierycca, uličvajučy tyja terminy, što žančyny praviali ŭ akcyi», – kamentuje dziejańni lekaraŭ pres-sakratarka.
Učorašni incydent, kali padčas sproby svajakoŭ haładoŭnikaŭ pahutaryć z namieśnikam staršyni Mienharvykankamu M. Ciciankovym, była zatrymanaja Śviatłana Mackievič, navodzić na dumku, što takim čynam ułady chočuć pazbavić pratestujučych iluzijaŭ nakont pazytyŭnaha vyrašeńnia ichniaj prablemy. Jak i list ź Mienskaha haradzkoha sudu, u jakim pastaru carkvy pahražajuć vializarnym štrafam.
Ułady ciahnuć čas. Adnak i haładoŭniki nia majuć namieru zdavacca. U piatnicu ranicaj bryhada chutkaj dapamohi ahledzieła traich mužčynaŭ, što haładajuć ad pačatku. Pa vynikach ahladu stan zdaroŭja hetych ludziej byŭ acenieny jak zdavalniajučy i jany vyrašyli praciahvać haładoŭku.
Pa stanie na piatnicu ŭ akcyi pratestu ŭdzielničajuć 119 čałaviek. Ź ich 33 stała znachodziacca ŭ carkvie, 49 haładajuć pa-za carkvoj, u inšych haradoch akcyju padtrymlivajuć 37 čałaviek.
?
Chroniku akcyi ŭ «Novym žyćci» hladziecie tut.
