Kampanija «Havary praŭdu» 9 listapada praviała akcyju, pryśviečanuju mahčymamu pierajmienavańniu adnoj sa staličnych vulicaŭ u vulicu Bykava.
30 maładych ludziej pašytchavalisia ŭzdoŭž vulicy Uljanaŭskaj sa ściahami kampanii «Havary praŭdu» i simvaličnymi šyldami z numarami damoŭ i novaj nazvaj vulicy. Na akcyi prysutničali Uładzimir Niaklajeŭ, staršynia niepryznavanaha ŭładami Sajuza piśmieńnikaŭ Aleś Paškievič, paet Hienadź Buraŭkin. Vypadkovym minakam aktyvisty «Havary praŭdu» razdavali knihi i dyski z tvorami Bykava.
—Toje, što my siońnia arhanizavali — nie palityčnaja akcyja — heta naš ahulnych maralny abaviazak. Vasil Bykaŭ — honar našaj nacyi — zajaviŭ padčas impravizavanaha mitynhu Uładzimir Niaklajeŭ.
Na pytańnie ci nie baicca Uładzimir Niaklajeŭ, što jaho ŭdzieł u akcyi moža być rascenieny jak falstart ahitacyjnaj kampanii, paet jašče raz padkreśliŭ, što hetaje mierapryjemstva maje takoje ž dačynieńnie da jaho žadańnia stać prezidentam, jak jon da palotaŭ u kosmas.
Paśla akcyi Niaklajeŭ adpraviŭsia ŭ Minski harsaviet, kab pieradać listy 57 deputatam. U listach zaklik zrabić vybar na karyść pierajmienavańnia vulicy i prośba padtrymać 100 tysiač hramadzianaŭ, jakija ŭžo padpisalisia za vulicu Bykava.
U toj čas pakul Uładzimir Niaklajeŭ pieradavaŭ listy była zatrymana mašyna z aktyvistami «Havary praŭdu». Supracoŭniki DAI sprabavali ahledzieć mašynu, u jakoj aktyvisty vyvozili z akcyi šyldy z partretami Bykava. Paśla taho, jak kiroŭca admoviŭsia vychodzić z mašyny, na miescy kanfliktu źjavilisia supracoŭniki milicyi, zatym padjechaŭ AMAP. Adnak Uładzimir Niaklajeŭ razam z žurnalistami paśla naviedvańnia Minskaha harsavieta jakraz paśpieli padyjści da zatrymanaj mašyny. Kanflikt z supracoŭnikami DAI vyrašyŭsia za niekalki chvilinaŭ: abyjšłosia biez vobšuku mašyny, adnak byŭ składzieny pratakoł za parušeńnie praviłaŭ darožnaha ruchu. Kiroŭca pryznaŭ siabie vinavatym, padpisaŭ pratakoł i spakojna źjechaŭ.
- Žadaju vam novaha hałoŭnakamandujučaha, - vyhuknuli na raźvitańnie aktyvisty «Havary praŭdu».
- Daj boh! — pahadziŭsia supracoŭnik DAI.
