Siońnia ŭ Horadni ŭ 13.50 byŭ zatrymany Andrej Kusialčuk, daradca Alaksandra Milinkieviča. Viadoma, što jaho zatrymali, kali jon vioz u mašynie «drukavanuju pradukcyju». Pavodle aficyjnaj versii, ahučanaj u RUUS, heta hazeta «Svaboda». Ciapier Kusielčuka dapytvajuć, jahonuju mašynu dahladajuć.
Siońnia ž milicyjanty manilisia pieratreści chatu Julii Kockaj, supracoŭnicy presavaj hrupy A. Milinkieviča. Adnak chata była zamknionaja. Milicyjanty paviedamili susiedziam, što nibyta byŭ syhnał, što z domu vyvoziać śpirt. Paśla hetaha milicyjanty naviedali mamu Julii. Adnak spadarynia admoviłasia jechać admykać chatu, pakul niama sankcyi prakurora. Praź niekalki hadzinaŭ milicyjanty viarnulisia biaz sankcyi, ale z novym padazreńniem: nibyta ŭ chacie aproč śpirtu vyrablajuć jašče i padrobnyja dakumenty. Maci pa-raniejšamu admaŭlajecca admykać chatu. Kala chaty Ju. Kockaj dziažuryć milicejskaja mašyna.
Naloty na dvuch pamočnikaŭ Milinkieviča vyhladaje jak "adkaz" uładaŭ na prysudžeńnie Eŭrapiejskim parlamentam lideru Demakratyčnych siłaŭ hanarovaj premii imia Sacharava.
Pavodle słovaŭ pres-sakratara Milinkieviča Paŭła Mažejki, Kusialčuk znachodzicca ŭ specprymalniku-raźmierkavalniku. Jamu inkryminujuć artykuł 156 «Drobnaje chulihanstva». Sud adbudziecca zaŭtra, 30 kastryčnika.
