Učora ŭviečary na Kastryčnickaj płoščy Miensku sabrałasia moładź, kab vykazać svaju padtrymku pakaranamu ŭ toj dzień paŭtara hadami źniavoleńnia Źmitru Daškieviču. Maładziony ŭtvaryli žyvy łancuh. Jany trymali ŭ svaich rukach śviečki i partrety Daškieviča.
Praź niekatory čas da pikietoŭcaŭ padjechaŭ aŭtazak. 12 čałaviek byli zatrymanyja i adviezienyja ŭ Centralny RAUS stalicy. Amal usie chłopcy i dziaŭčaty ŭ skoraści byli vyzvalenyja. Na noč u pastarunku pakinuli tolki Źmitra Chviedaruka i Hleba Sandrasa. Nazaŭtra nad imi musiŭ adbycca sud.
Sandras kaža, što suprać jaho ŭ budynku RAUSu bajcy specnazu ŭžyvali fizyčnuju siłu i pravakavali jaho. Da druhoj hadziny nočy ŭ chłopcaŭ uziali adbitki palcaŭ i sfatahrafavali, a paśla pieravieźli ŭ specprymalnik-raźmierkavalnik na Akreścina. Jany byli ŭdvoch u kamery.
Na ranicu ich advieźli ŭ sud Centralnaha rajonu. U budynku sudu sabrałasia blizu 20 paplečnikaŭ aktyvistaŭ, bolšaść z prysutnych dziažuryli taksama ŭsie try dni la budynku, dzie sudzili Daškieviča.
Pieršy praces pačaŭsia nad Hlebam Sandrasam. Sudździa Alaksiej Byčko adchiliŭ chadajnictvy Sandrasa, kab na sudzie prysutničali śviedki ź jahonaha boku. Taksama Byčko admoviŭsia ŭpuskać u sudovuju zalu ludziej. Suprać maładziona śviedčyli specnazaŭcy Anatol Bejbak i Alaksandar Špakoŭski. Sandrasa pakarali štrafam u 2 bazavyja vieličyni (62 tysiačy rubloŭ). Jaho pakarali pavodle 156 artykułu Administracyjnaha kodeksu – «Drobnaje chulihanstva».
Pakul sudzili Hleba Sandrasa Źmicier Chviedaruk skazaŭ, što nie baicca prysudu. «Što značać maje 15 sutak u paraŭnańni z prysudam Daškieviču», – kazaŭ Chviedaruk. Chłopiec krychu pamyliŭsia, jamu dali troje sutak aryštu, taksama abvinavaciŭšy ŭ łajancy. Milicyjanty nie dazvolili prysutnym pieradać Źmitru ježu i ciopłyja rečy.
Sa specprymalnika Chviedaruk musić vyjści ŭ subotu viečaram.
Treba adznačyć, što ciapier na Akreścina taksama znachodzicca apazycyjny aktyvist z Barysava Aleś Abramovič, jaki byŭ pakarany 15 sutkami aryštu 27 kastryčnika.
* * *
12.52
Sudździa Alaksiej Byčko abviaściŭ prysud Źmicieru Chviedaruku – 3 sutak aryštu. jak i Hleba Sandrasa, Źmitra sudzili pavodle art.156 Administracyjnaha kodeksu (łajanka).
* * *
12.20
Abvieścili prysud Hlebu Sandrasu. Za łajanku toj pakarany ŭ 2 bazavyja vieličyni. Śviedkami na sudzie vystupali Anatol Bejbak i Alaksandar Špakoŭski.
Da druhoj hadziny nočy chłopcaŭ trymali ŭ Centralnym RUUSie Miensku, a paśla advieźli na Akreścina, dzie abodvuch pasadzili ŭ asobnuju kameru. Chłopcaŭ sfatahrafavali i ŭziali adbitki palcaŭ.
Ciapier maje raspačacca sud na Chviedarukom.