Salihorskija ŭłady traplajuć u adzin skandał za druhim. Niekalki dziasiatkaŭ paviedamleńniaŭ pryjšło ad naviedvalnikaŭ našaha sajtu ŭ suviazi sa źniščeńniem haradzkoha ŭčastku lesu praz darohu ad tak zvanaj «35-j kramy» (ciapier handlovaja krama «Złatka»). Jak stała viadoma našym karespandentam, źniščeńnie lasnoha masiva ŭ aperatyŭnym paradku było ździejśniena ciaham vychodnych z sankcyi miascovaha vykanaŭčaha kamitetu. Za aperataŭnaść niepasrednym vykanaŭcam navat paabiacali surjoznyja premijalnyja.
Na miescy vyrublenych dvaccacihadovych drevaŭ musić paŭstać try novych elitnych doma. Pa papiarednich dadzienych, zamoŭca hetaha prajektu źjaŭlajecca mienskaja firma, jakaja zajmałasia budaŭnictvam žyłoŭha domu hod nazad kala toj samaj kramy «Złatka». Aburalnym źjaŭlajecca toj fakt, što i ŭ minuły raz budaŭnictva žylla adbyvałasia z brutalnym vyniščeńniem haradzkoha zialonaha asiarodku.
Hetym razam, vierahodna, spuścić na tarmazach spravu nie atrymajecca. Niektoryja hramadzkija arhanizacyi ŭžo surjozna zacikavilisia prablemaj vyrubki lesu pad budoŭlu na Salihorščynie. Tym bolš, što ŭžo viadomy plany pa vyniščeńniu značnaha lasnoha masivu pad budaŭnictva šmatpaviarchovak ŭ rajonie haradzkoj palikliniki. Nia vyklučana, što pytańnie budzie da taho ž surjozna palityzavana ŭ suviazi z nadychodziačami vybarami. Pa słovach šerahu apazycyjnych aktyvistaŭ horadu, niekatoryja kandydaty ŭ Prezidenty ŭžo zacikavilisia hetaj temaj i hatovy jaje ŭźniać na nacyjanalnym uzroŭni.
Naš sajt budzie pilna sačyć za raźvićciom sytuacyi.
Ciapier čytajuć
Adciskańni z tatam, uroki z mamaj. Jak žyvie i vučycca siamja Sieviaryncaŭ u Vilni4
Kamientary