Kryminalnaja sprava za daviadzieńnie da samahubstva raspačata pa fakcie hibieli
Chłopčyk paviesiŭsia ŭ svaim pakoi na dźviarnoj ručcy viečaram 25 listapada paśla taho, jak pryjšoŭ sa škoły i zrabiŭ uroki, paviedamili ŭ prakuratury Čyhunačnaha rajona Homiela.
Dzicia pakinuła pieradśmiarotnuju zapisku, źmiest jakoj nie abviaščajecca.
Śledstva pakul nie pryjšło da kankretnaj vysnovy ab tym, što pryviało školnika da rašeńnia skončyć žyćcio samahubstvam. Mahčyma, pryčynaj stała nieparazumieńnie ŭ adnosinach sa svajakami.
Chłopčyk vychoŭvaŭsia ŭ paśpiachovaj siamji, dobra vučyŭsia, karystaŭsia aŭtarytetam u adnakłaśnikaŭ.
U momant suicydu ŭ kvatery znachodzilisia siastra i babula dziciaci. Svajaki, kali znajšli jaho paviešanym, nie paśpieli vyratavać chłopčyku žyćcio, i chutkaja dapamoha, jakaja pryjechała na vyklik, kanstatavała śmierć.