Na pasiedžańni CVK vystupiŭ lidar kampanii «Za svabodnyja vybary» Siarhiej Kalakin. Jon adznačyŭ peŭnuju libieralnaść hetych vybaraŭ, ale nie sumniajecca ŭ budučych falsifikacyjach.
Ad imia apazicyjnych kandydataŭ jon unios pytańnie pa achovie skryniaŭ dla daterminovaha hałasavańnia. Na dumku, Kalakina mienavita ź imi byvajuć najčaściejšyja parušeńni i falsifikacyi.
Kalakin prapanavaŭ dać mahčymaść naziralnikam kruhłasutačna znachodzicca na ŭčastku dla hałasavańnia. A voś najaŭnaść milicyjaniera zusim nie praduhledžvajecca vybarčym pravam.
Pa słovach Kalakina, praktyka kruhłasutačnaha nazirańnia isnavała ŭ Sierbii i inšych krainach byłoj Juhasłavii.
«Kali padtrymka dziejsnaha prezidenta 90%, to dazvolcie nam u hetym pierakanacca. Čamu vy staicie śpinaj, kab nie dapuścić hetaha. Bo tady dziejsny prezident nie moža vyjhrać», — navat Pavieł Sieviaryniec zaapładziravaŭ hetaj pramovie Kalakina.
Namieśnik ministra unutranych spravaŭ «tavaryš» Jaŭhien Pałudzień kaža, što achova ŭčastkaŭ ździajśniajecca supracoŭnikami MUS. Pałudzień zapeŭniŭ, što achova adbyvajecca dastatkova dobra.
Pałudzień paćvierdziŭ, što siabry kamisij mohuć praviarać unačy pracu milicyjanieraŭ. Tym nie mienš, jon nijakich zdareńniaŭ pa ŭkidu hałasoŭ nie viedaje.
U CVK ličać, što nazirańnie moža adbyvacca tolki ŭ toj čas, kali adbyvajecca hałasavańnie. I dadatkovy kantrol nie patrebny.
Lidzija Jarmošyna kaža, što milicyja absalutna nie zacikaŭleny bok, tamu nadziejny.
U vyniku prapanova apazicyjnych kandydataŭ była adchilenaja.
