Jak nie zamierznuć na matčy BATE — «Dynama» Kijeŭ
Čatyry elemientarnyja rečy.
Na viečar 2 śniežnia — kali projdzie hulnia hrupavoha turniru Lihi Jeŭropy BATE — «Dynama» Kijeŭ — sinoptyki prahnazujuć ad minus 10 da minus 13 hradusaŭ marozu. Hulnia, nahadajem, pačniecca ŭ 22:05. Praŭda, ciaham sutak nadvorje jašče moža źmianicca: maroz jak uzraści, tak i asłabieć.
Parady miedykaŭ:
Kab balnicy ŭ noč z čaćviarha na piatnicu nie akazalisia zapoŭnienymi zaŭziatarami ź simptomami abmaražeńnia, daktary rekamiendujuć:
«Nie varta rychtavacca da pachodu na stadyjon, užyvajučy ałkaholnyja napoi abo piva.
Hałoŭnaja parada zaklučajecca ŭ tym, što nieabchodna dobra apranucca.
Nie byvaje drennaha nadvorja — byvaje drennaja adzieža.
U pieršuju čarhu nieabchodna ŭciaplić nohi. Kali jość valonki, nie saromiejciesia ŭ ich abucca.
Kali ich niama, to padyjdzie zimovy abutak na futry i vielmi ciopłyja škarpetki.
Nie hrebujcie lišniaj paraj nižniaj bializny, bieź jaje vam niama čaho rabić na stadyjonie ŭ takoje nadvorje!
Nie zabudźciesia pra švedry z vysokim kaŭniarom i abaviazkova (!) ciopłyja šapki. Taksama pasprabujcie, kab vaš šlach ad chaty da stadyjona atrymaŭsia
jak maha bolš karotkim, takim čynam mienš času praviedziacie na adkrytym pavietry».
Pravilna apranutamu čałavieku, sapraŭdy, bajacca nadvorja nie treba. Bijatłonnyja spabornictvy, jakija źbirajuć u Hiermanii dziasiatki tysiač hledačoŭ, pravodziacca i pry 20 hradusach marozu, a sibiraki za ŭlubionym bendzi mohuć nazirać na adkrytych stadyjonach i pry -30. A nam jašče treba padrychtavać siabie i da lutaŭskim matčaŭ u Lizie Jeŭropy.
Matčyplej-of projduć 17 i 24 lutaha!
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ6
Kamientary