Šulmanu dali šeść hadoŭ z kanfiskacyjaj 2

U sudzie Savieckaha rajona Minska 1 śniežnia byŭ abjaŭleny pryhavor dyrektaru pradziusarskaha centra Kłas-kłub DK» Hienadziu Šulmanu. Jon pryznany vinavatym u tym, što zavałodaŭ majomaściu šlacham padmanu ŭ asabliva bujnych pamierach, i pryhavorany da šaści hadoŭ pazbaŭleńnia voli z adbyvańniem u kałonii ŭzmocnienaha režymu z kanfiskacyjaj majomaści (častka 4 artykuła 209 KK — machlarstva).

Sud apraŭdaŭ Šulmana pa častcy 2 artykuła 339 KK (chulihanstva). Havorka išła pra kanflikt z padletkam kala minskaj škoły № 132 u 2002 hodzie. Šulman taksama apraŭdany za niedakazanaściu viny pa častcy 1 artykuła 216 KK (pryčynieńnie majomasnaj škody biez prykmiet kradziažu). Sud abaviazaŭ Šulmana pakryć piaci paciarpiełym u ahulnaj składanaści 485 młn. 120 tys. rubloŭ. Varta adznačyć, što ŭ pačatku pracesu nad Šulmanam u lutym 2010 hoda paciarpiełych było 11, a suma ŭronu — 640 młn. rubloŭ.

Pryhavor rajonnaha suda nie nabyŭ moc i moža być abskardžany ŭ Minskim haradskim sudzie.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH