Prezident Ukrainy ŭ čarhovy raz staŭ hierojem internetu.
U časie adnoj z apošnich pres-kanfierencyj Viktar Janukovič zahavaryŭ pra pieradnavahodnija padrychtavańni ŭ stalicy Ukrainy. Pry hetym prezident krainy amal 10 siekund pryhadvaŭ słova «jełka». Hety frahmient trapiŭ na you tube, dzie chutka staŭ chitom. Za 5 dzion hety siužet u sumie prahladzieła kala 145 000 čałaviek. Adzin z rolikaŭ prapanuje paraŭnać chutkaść prezidenckaj dumki z chutkaściu alimpijskaha čempijona, rekardsmiena śvietu spryntera Usejna Bołta.
Heta nie pieršy vypadak, kali Viktar Janukovič robicca hierojem internetu. Kamičny incydent ź im zdaryŭsia ŭ mai hetaha hoda, u časie vizitu Dźmitryja Miadźviedzieva ŭ Kijeŭ. Prezidenty dvuch krain uskładali vianki da pomnika nieviadomamu sałdatu. U adzin z momantaŭ mocny paryŭ vietru skinuŭ adzin ź viankoŭ na prezidenta Ukrainy. Rolik z hetym incydentam imhnienna raźlacieŭsia pa internecie. Paźniej toj vianok byŭ pradadzieny na aŭkcyjonie za $5,5 tysiač.
