Kiraŭnictva AAT «Minski aŭtamabilny zavod» praciahvaje pieramovy ź Vieniesuełaj ab mahčymaści prodažu častki akcyj pradpryjemstva,paviedamiŭ na
Nahadajem, razmova idzie ab mahčymaści prodažu 25% pakieta akcyj. Hiendyrektar paviedamiŭ, što «siońnia pradpryjemstva vyrašaje pytańnie ab pryciahnieńni niezaležnaj acenačnaj kampanii dla acenki MAZa».
Baroŭski zaznačyŭ, što pradpryjemstva aktyŭna supracoŭničaje ź Vieniesuełaj. Tam budzie adkryta zboračnaja vytvorčaść hruzavikoŭ «MAZ» mahutnaściu 5 tysiač adzinak u hod. Aprača taho, u Vieniesuełu pastaŭlajecca 800 aŭtobusaŭ. Pavodle słoŭ hiendyrektara, «Uha Čavies vykazaŭ pažadańnie stvaryć zboračnuju vytvorčaść i aŭtobusaŭ».
«Cikavaść patencyjalnych inviestaraŭ da MAZa nie źmienšyłasia, a navat uzrasła, — padkreśliŭ Baroŭski. — Siońnia ŭ nas šmat prapanoŭ, u tym liku ad KamAZa, hrupy HAZ, kampanii «Ivieka».
Jon taksama paviedamiŭ pra płany pradpryjemstva realizavać na finansavym rynku 8–10% akcyj z metaj pryciahnieńnia srodkaŭ na madernizacyju.
Vytvorčaje respublikanskaje ŭnitarnaje pradpryjemstva «Minski aŭtamabilny zavod» u lutym 2009 hoda było pieraŭtvorana ŭ adkrytaje akcyjaniernaje tavarystva. 100% akcyj naležać dziaržavie.
