Biełarusy – vialiki narod, jaki ŭ składanyja momanty historyi zaŭsiody braŭ los krainy ŭ svaje ruki. My ŭdziačnyja kiraŭnictvu Rasiei za toje, što na peŭnym etapie jano ŭźniało važnyja dla Biełarusi pytańni - pra vykradańni lidaraŭ apazicyi, raspaviało praŭdu pra karupcyjny charaktar łukašenkaŭskaha režymu, pra niedamovazdolnaść biełaruskaha kiraŭnika.
Rasiejskaje kiraŭnictva prosta vyrašyła źniać napružanaść u svaich adnosinach z Łukašenkam. Nie dumaju, što jany raźličvajuć na toje, što biełaruski dyktatar raptam źmienicca.
Ale los krainy budzie vyrašacca samimi biełarusami i ŭnutry Biełarusi. Ja baču, jak źmianilisia nastroi ludziej. Narod choča źmienaŭ i hatovy zmahacca za svaju svabodu. I chacieŭ by jašče raz paŭtaryć, što los krainy siońnia vyrašajecca nie na kuchniach, nie za manitoram kamputaraŭ, a na płoščy. Historyja robicca siońnia. Historyju robim my i razam my pieramožam!
