Niaŭdała skončyłasia vyjaznoje turne dla CHK «Dynama» Minsk. U troch z čatyroch haściavych matčaŭ čempijanatu Kantynientalnaj chakiejnaj lihi biełaruski kłub prajhraŭ u troch.
Siońnia, 12 śniežnia, «Dynama» prajhrała ŭ Nižniakamsku «Naftachimiku» — 0:1. Pryčym apošnija paŭchviliny kamandy hulali šeść na čatyry. Marek Sikora źniaŭ z varot Andreja Miezina i taksama byŭ vydaleny hulec «Naftachimika». Pieravieści hulniu ŭ oviertajm «Dynama» nie zdoleła.
Paśpiachovym, jak akazałasia, dla «Dynama» byŭ tolki pieršy haściavy matč: 6 śniežnia minski kłub vyjhraŭ u oviertajmie ŭ čarapavieckaj «Sievierstali» 5:4. Pry tym, što «Dynama» viało ŭ matčy ź likam 4:0.
Zatym byli try parazy: 8 śniežnia ad «Ak Barsa» (2:5), 10 śniežnia — ad «Aŭtamabilista» (2:5), siońnia — ad «Naftachimika» (0:1).
Zaraz «Dynama» z 50 punktami zajmaje4-je miesca ŭ Dyvizijonie Tarasava i7-je ŭ Zachodniaj kanfierencyi.
Zachad: Dynama Maskva — 72 (34 hulni), Łakamatyŭ — 65 (34), SKA — 60 (36), Sievierstal — 59 (36), Atłant — 52 (34), Dynama Ryha — 50 (34), Dynama Minsk — 50 (36), Spartak — 46 (36), Tarpieda — 45 (33), CSKA — 36 (34), Viciaź — 28 (34).
Ciapier u čempijanacie KCHŁ budzie ŭziaty tydniovy pierapynak, źviazany z matčami na ŭzroŭni zbornych.
Zatym «Dynama» praviadzie piać matčaŭ u Minsku:
22 śniežnia z «Barysam» (Astana), 24 śniežnia — z «Juhroj» (