Na sajcie Alaksandra Łahvinca źjaviłasia videa, źniataje padčas miascovych vybaraŭ 25 krasavika 2010 hoda na ŭčastku № 22 u minskim mikrarajonie Sucharava.
Videa źniata na telefon, i na im možna ubačyć, jak mienavita prachodzić hałasoŭ.
Sa stała naziralnika bačny tolki stoł, na jakim idzie sartavańnie biuleteniaŭ, a na pravierku i padlik ich niasuć da stała, jaki nie bačny naziralnikam.
Pravaabaroncy kažuć, što taki padychod spryjaje falsifikacyjam, i udzieł naziralnikaŭ ničoha nie mianiaje.
«NN» źviarnułasia pa kamientar da Uładzimira Łabkoviča — pravaabaroncy centra «Viasna»:
«Toje, što adbyvajecca na videa — było b niezakonna navat, kali b dalni stoł byŭ bačny naziralnikam. Hałasy sartujucca ŭ poŭnaj cišyni, i navat tyja dziesiać čałaviek, što zajmajucca ich sartavańniem i padlikam, viedajuć tolki pra svoj stos. Vychodzić, što vynik viedaje tolki adzin čałaviek — toj, kamu hetyja hałasy zdajuć. My ž prapanoŭvajem, kab kožny hołas abviaščaŭsia ŭsłych, a siabry kamisii nie stajali śpinami da naziralnikaŭ, bo pry ciapierašnim varyjancie rola naziralnika zvodzicca da nula. Hetaje videa dakazvaje tolki toje, što adzin čałaviek, jaki vałodaje infarmacyjaj, moža abvieścić lubyja vyniki».
