Vuličnaja akcyja 19 śniežnia na Kastryčnickaj płoščy Minska niezakonnaja tolki dla prakuratury. Ab hetym zajaviŭ kandydat u prezidenty, lidar kampanii «Havary praŭdu!» Uładzimir Niaklajeŭ 13 śniežnia padčasanłajn-kanfierencyi na sajcieinternet-haziety BiełaPAN Naviny.by («Biełorusskije novosti»).
«Hetaja akcyja niezakonnaja tolki dla prakuratury. Dla naroda jana — całkam zakonnaja. Kanstytucyja daje nam svabodu schodaŭ», — skazaŭ jon.
Niaklajeŭ padkreśliŭ, što «narod na płoščy — heta nie natoŭp, a mienavita narod». «A narod zaŭsiody dumaje ab svajoj biaśpiecy. Jak i arhanizatary, jakija taksama — narod. Heta značyć my. I dapamahčy zachavać biaśpieku pavinna nam ułada, jakaja dla taho i isnuje», — ličyć jon.
Niaklajeŭ paviedamiŭ, što jaho kamanda prapanavała orhanam unutranych spraŭ arhanizavać biaśpieku sumiesna ź jaje družyńnikami. «Z takoj prapanovaj ja źviarnuŭsia i da minskich uładaŭ, i da Ministerstva ŭnutranych spraŭ. Nie treba pieraapranać ściahnutych z usioj krainy milicyjanieraŭ u cyvilnuju formu i vypuskać ich na płošču. Niachaj jany stajać u formie, pobač z našymi družyńnikami, kab ludzi bačyli: ułada zacikaŭlena ŭ biaśpiecy hramadzian. A kali raptam kiraŭnik Administracyi prezidenta Makiej pryniasie na płošču piatardu, jakoj jon pužaje vybarščykaŭ, ja spadziajusia, milicyja sumiesna z družyńnikami nie dapuściać pravakacyi ź jaho boku», — skazaŭ kandydat u prezidenty.
Jon padkreśliŭ, što «adziny efiektyŭny sposab demanstracyi našaj niazhody z falsifikacyjami — heta vychad na mirnuju akcyju 19 śniežnia ŭ 20.00 na Kastryčnickuju płošču ŭ Minsku».
