Na vybarčym učastku №43, što mieścicca ŭ budynku škoły №40 na vulicy Fabryčnaj, pobač z kabinkami dla hałasavańnia na ścianie paviesili vialikaje lusterka.
U Baranavičach naziralnikaŭ raźmiaścili... u kalidory. Fota markcist.livejournal.com
Jak śćviardžaje Aleś Čarnikovič, davieranaja asoba kandydata ŭ prezidenty Alesia Michaleviča, dziakujučy hetamu, znachodziačysia ŭ kabincy možna pabačyć, za kaho hałasuje čałaviek u susiedniaj kabincy. Aleś Čarnikovič naviedaŭ hety ŭčastak i zrabiŭ vybarčaj kamisii zaŭvahu. Pa jaho infarmacyi, lusterka visić na tym miescy ad učorašniaha dnia.
Tym časam, kali ŭ staličnaj škole vybarčy praces zrabili maksimalna prazrystym, chaj sabie i nie zusim karektnym šlacham, to na vybarčym učastku №31 ŭ baranavickaj haradskoj dziciačaj paliklinicy naziralnikaŭ raźmiaścili… u kalidory. Pra heta ŭ svaim błohu paviedamlaje siabra hramadskaj kampanii «Za spraviadlivyja vybary» Viktar Ciapin. Paśla jahonaha zvarotu da dziažurnaha prakurora staršynia kamisii Elmira Bahdanovič viarnuła naziralnikaŭ niepasredna ŭ pamiaškańnie dla hałasavańnia. Darečy, 11 z 12 siabroŭ učastkovaj kamisii źjaŭlajucca supracoŭnikami palikliniki.
