Doŭžyłasia jana siem sutak. Žančyna damahałasia ad ułady palapšeńnia žyllovych umovaŭ dla svajoj siamji. Ciapier u trochpakajovaj kvatery pamieram 63 kvadratnyja metry žyvie dzieviać čałaviek. Jana patrabuje vydzielić joj dźvie kvatery płoščaj 120 kvadratnych metraŭ.
Natalli Škadun harvykankam prapanavaŭ varyjanty vyrašeńnia žyllovaj prablemy. Jana vybrała najbolš prydatnyja dla siamji.
«Tych kvateraŭ ja jašče nia bačyła. Uvosień mnie prapanoŭvali ich, adnak tady ja nie zmahła patrapić u dom, bo nie było da jaho jak prajści. Zdajuć hety dom u kancy pieršaha kvartała 2011 hodu. Ja ž vyrašyła spynić haładoŭku, bo zrazumieła, što ź dziaržaŭnaj systemaj zmahacca biessensoŭna. Kožny čynoŭnik baronić druhoha čynoŭnika. Budu vychodzić z haładoŭki. Zaŭtra pajdu naziralnicaj na vybarčy ŭčastak. Dla hetaha patrebnyja siły».
Haładoŭku Natalla Škadun raspačała 9 śniežnia. Palepšyć žyllovyja ŭmovy jana namahajecca adzinaccać hadoŭ.
Natalla Škadun maje orden Maci j paśviedčańnie šmatdzietnaj siamji. U jaje piaciora dziaciej, čaćviora ź ich — niepaŭnaletnija.
