Źviarnicie ŭvahu, jak pierad bićciom voknaŭ adzin z prysutnych havoryć u mikrafon, schavany ŭ rukavie.
U Siecivie praciahvajuć źjaŭlacca fotazdymki i videa, jakija śviedčać pra toje, što pravakacyi kala ścienaŭ Doma ŭradu zahadzia płanavalisia. Źjaviłasia videa i fota maładoha čałavieka, jaki pierad bićciom voknaŭ havoryć u mikrafon, schavany ŭ rukavie. A ŭ peŭny momant jon padychodzić da dźviarej i cichieńka stukaje ŭ škło.
Błohier Dzianis Karpienka paśpieŭ sfatahrafavać čałavieka, jaki padnosić da hanku Doma ŭrada rydloŭki. Da šturmu zastavalisia ličanyja chviliny. Da Dzianisa padyšoŭ čałaviek ŭ cyvilnym, jaki nastojliva paraiŭ jamu pakazać zroblenyja kadry, ale toj admoviŭsia.
Paśla razhonu demanstrantaŭ na apuściełaj płoščy Niezaležnaści niezaležnyja žurnalisty stali śviedkami taho, jak śpiecnazaŭcy pad abjektyvami kamier dziaržaŭnych telekanałaŭ raskidvali kala pomnika Leninu kavałki armatury. Na nastupny dzień u siužetach na BT heta padavałasia, jak byccam armaturu na płošču z saboj pryniesła apazicyja.
Mužčyna bje vokny zboku ad hałoŭnaha ŭvachodu. Apieratary (?) śpiecsłužbaŭ zdymajuć jaho sa śpiny.
Voś jon užo ź inšaj "zbrojaj" — pakunkam ksieraksnaj papiery. Fota Alaksiej Hromaŭ.
A tut jon tuzajecca ź śpiecnazaŭcam. Fota Andrej Śmirnoŭ.
Hety čałaviek pieramaŭlaŭsia praz schavany mikrafon.
Za im kandydat Rymašeŭski i jahonyja achoŭniki spyniajuć pravakataraŭ.
Fota ak-bara.livejournal.com
Jašče adnaho pravakatara adciahvajuć ad uvachodu demanstranty. Fota ak-bara.livejournal.com
Hety čałaviek prynios rydloŭki da hanku Doma ŭradu za ličanyja chviliny da šturmu. Fota karpenkod.blogspot.com
Samy pačatak «šturmu». Pieršaja sproba. Kandydaty ŭ prezidenty jašče la pomnika Leninu. Na videa bačna, jak pravakataraŭ ad hanku Doma ŭrada adhaniajuć apazicyjnyja aktyvisty.