Pravaabaronca Alena Tankačova ŭpeŭniena, što da ich naŭmysna nie dapuskali advakataŭ.
Pravaabaronca Alena Tankačova ŭpeŭniena, što da ich naŭmysna nie dapuskali advakataŭ
u izalatar KDB, dzie palityki znachodziacca.
Pa jaje słovach, u KDB chacieli «cicha» pačać ich spravy. Aficyjna śledčyja dziejańni nie vialisia, a nasamreč zatrymanych sprabavali dapytvać.
Alena Tankačova adznačyła, što pakul nie było viadoma miescaznachodžańnie palitykaŭ, usie mahčymyja instancyi byli papiaredžany ab naniatych dla ich advakatach. I pieršym pakinuli kantaktnuju infarmacyju mienavita ŭ SIZA KDB.
Ale śledčyja zaprasili dziažurnych advakataŭ, jakija, pa słovach, Tankačovaj, niaredka supracoŭničajuć sa śledstvam.
A značyć nie zacikaŭlenyja ŭ adstojvańni pravoŭ svaich klijentaŭ.
Pravaabaronca źviartaje ŭvahu na toje, što rabiłasia heta naŭmysna, kab zrabić praces maksimalna zakrytym.
Takich dziažurnych advakataŭ vyklikali Natalli Radzinaj i Alaksieju Michaleviču, ale jany admovilisia ź imi supracoŭničać.
U SIZA KDB («amierykanka») znachodziacca Uładzimir Niaklajeŭ, Mikoła Statkievič, Vital Rymašeŭski, Andrej Sańnikaŭ, Alaksiej Michalevič. Tak utrymlivajucca taksama žonka Sańnikava žurnalistka Iryna Chalip, kiraŭnik štaba Niaklajeva Andrej Dźmitryjeŭ, davieranaja asoba Niaklajeva Alaksandr Fiaduta, pres-sakratar Sańnikava Alaksandr Atroščankaŭ, kiraŭnik štaba Rymašeŭskaha Pavieł Sieviaryniec, redaktar sajta «Chartyja'97» Natalla Radzina.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary