Rašeńnie ab biaspłatnym prajeździe minskich školnikaŭ u hramadskim transparcie budzie prałanhavana ŭ 2011 hodzie. Ab hetym paviedamiŭ namieśnik staršyni Minharvykankama Michaił Ciciankoŭ siońnia na pres-kanfierencyi.
Nahadajem, u śniežni rašeńniem KTUP "Minsktrans" dla školnikaŭ stalicy admieniena płata za prajezd u kamunalnym pasažyrskim transparcie horada.
"Horad u 2010 hodzie pryniaŭ takoje rašeńnie. Jano pakul aformlena ŭnutranym rašeńniem "Minsktransa". Ciapier my prapracoŭvajem pytańnie kampiensacyi zatrat na prajezd školnikaŭ u hramadskim transparcie. Ale rašeńnie ab biaspłatnym prajeździe dla školnikaŭ prymałasia nie na miesiac. Dumaju, heta tema budzie źniata na nastupnyja hady", - skazaŭ Michaił Ciciankoŭ.
U bližejšy čas ułady Minska vyznačać uzrostavuju katehoryju školnikaŭ, jakija dla biaspłatnaha prajezdu ŭ hramadskim transparcie pavinny buduć karystacca daviedkaj navučenca. Chutčej za ŭsio, heta vučni, pačynajučy z 7-8 kłasa.
Va ŭstanovach adukacyi Minska, jakija zabiaśpiečvajuć atrymańnie ahulnaj siaredniaj adukacyi, navučajecca 160 tys. školnikaŭ.