Inicyjatyvy pa zbory dapamohi: rečaŭ pierabor, źbirajem tolki hrošy.
Siabry,
u pieršuju čarhu chaču vielmi mocna padziakavać usim, chto adhuknuŭsia i dapamahaŭ i dapamahaje nam. Heta vielmi pryjemna pracavać u takoj chvali padtrymki i hramadzianskaj salidarnaści.
Adnak, my majem paviedamić važnyja źmieny ŭ arhanizacyi našaj pracy i adkazać na pytańńni, jakija najčaściej zadajucca nam pa telefonach i ŭ ofisie našaj hramadskaj kampanii.
Jak možna dapamahčy zaraz
* Pieršaje i važnaje — my BOLŠ NIE PRYMAJEM REČY, bo dziakujučy nieabyjakavym ludziam, rečaŭ u nas zaraz bolej čym dastatkova, kali budzie nieabchodnaść u niejkich kankretnych rečaŭ dla kankretnych ludziej — my zmožam ich nabyć z hrošaj sabranaha fondu.* Nam patrebny vałanciory: advozić rečy pa pieradačach, u dzionny čas, patrebny pašpart
my dajem hrošy na taksoŭki
lepš aryjentavacca na nastupny tydzień
NB zaraz jeść infarmacyja, što pierastali prymać nie ad svajakoŭ — padrychtavany ŭzor skarhi, jakuju treba padavać u takim vypadku na supracoŭnika milicyi, bo heta nie zakonna — PIKoAP nie ŭtrymlivaje abmiežvańniaŭ nakont asobaŭ, jakija majuć prava pieradavać pieradačy. Jany dačakajucca — my zavalim ich skarhami i banderolami. uzor skarhi — u nastupnym paście.
* Praciahvajem prymać hrašovyja achviaravańni!
* Treba padpisvać paštoŭki: na ŭpravie sotni navahodnich i kaladnych paštovak, kanviertaŭ z markami i adresami, treba kab jak maha bolej ludziej napisała viaźniam paštoŭki i ciopłyja słovy padtrymki. Možna zajści ŭ subotu i padpisać dziesiatak paštovak.
Jak možna dapamahčy potym
* Sustrakać zatrymanych — u Miensku i Žodzina, śviatkavać ich vychad na volu
* Taksama šukajem aŭtobus (vialiki) na 40–50 miescaŭ na minimum na 2 rejsy ŭ Žodzina 29.12 i 31.12. Chto moža dapamahčy? Biezumoŭna, pasłuhi aŭtobusa buduć apłočany.
Jak skantaktavacca
284 50 12 haradski adras Varvašeni/Mašerava 8, u budni z 9 da 20
+ 375 29 685 52 39 Siaržuk Siemianiuk
+ 375 29 395 73 99 Daša Katkoŭskaja (ja)
Što budzie dalej
Rečy, adzieńnie i srodki hihijeny, jakija zastanucca paśla taho, jak viaźni vyjduć na svabodu, buduć pieradadzieny na dabračynnaść — u pieršuju čarhu ŭ dziciačyja damy i padobnyja ŭstanovy.
Z hrošaj, jakija buduć zakumulavanyja paśla kanca kampanii, my b chacieli akazać adrasnuju dapamohu viaźniam i tym, chto pastradaŭ ad dziejańniaŭ režyma 19.12., asabliva tym, chto najbolš u hetym maje patrebu: tym, chto zhubiŭ pracu, studentam, inšaharodnim, svajakam tych, chto siadzić (naprykład kali žonka i maleńkija dzieci, a baćka — u turmie).Ja razumieju, što naŭrad ci my zdolejem dapamahčy ŭsim, ale my jak minimum zrobim vialiki ŭniesak.
Šukajem infarmacyju
* kantakty baćki Statkieviča: vielmi chočam pieradać jamu dapamohu.
* infarmacyju pra svajakoŭ, jakim patrebna dapamoha: žonki z małymi dziećmi, chvoryja baćki — my zaraz chacia b troški padtrymajem ich hrašova pakul ich mužčyny i žančyny siadziać sutki
* infarmacyju pra tych, kamu vybili zuby: my nakirujem vas da dochtaraŭ, jakija zrobiać pratezavańnie, i dapamožam z apłataj (jak minimum častkovaj) lačeńnia
* pra tych, kamu nie pieradajuć pieradačy, imieny tych, kamu patrebny pieradačy, akumulavańnie infy ź niavoli
Jak ofis pa Varvašeni/Mašerava 8 pracuje ŭ vychodnyja
Zaŭtra, u subotu, pracujem z 9 da 13.
U niadzielu ofis pracavać aficyjna nie budzie, chacia mahčyma vałanciery tam buduć kab prosta navieści paradak i zajmacca arhanizacyjnymi momantami.
Nahadaju, što 24 i 25 śniežnia pieradačy ŭ Žodzina nie prymajuć. Dahetul adsutničajuć źviestki pra 160 z 260 zatrymanych, jakija znachodziacca ŭ Žodzina.
Bolš padrabiaznaja infarmacyja tut